“Bup pengidup” ngembuan nama orang ke bisi peluang idup belama iya. (Pemandang 3:5; 20:12; Malaki 3:16) Petara deka nentuka nama nya ditulis dalam bup nya, nitihka penaluk sereta penetap ati sida ngagai Iya.—John 3:16; 1 John 5:3.

 ‘Kenyau ari penumbuh dunya,’ Petara udah nuliska nama penyembah Iya ti tetap ati. (Pemandang 17:8) Abel nya mensia keterubah ti tetap ati ke udah ditulis nama ba bup pengidup. (Hebrew 11:4) Bup nya ukai semina bup ke ngembuan nama aja, tang mega nunjukka Jehovah nya Petara ti pengerindu, lalu Iya “nemu sapa ke enggi Iya.”—2 Timoti 2:19; 1 John 4:8.

Kati ulih nama orang ke dalam “bup pengidup” nya dipadam?

 Ulih. Baka orang Israel ke enda tetap ati ngagai Iya, Petara madah, “Semina orang ke udah bedosa ngelaban Aku aja ti deka dibuai Aku nama ari bup Aku.” (Pemansut 32:33) Tang enti kitai mengkang tetap ati, nama kitai deka meruan dalam “bup pengidup.”—Pemandang 20:12.