Urung 3,500 taun suba, Petara Jehovah madah ngagai penyembah Iya, utai ke patut dikereja sida ngambika bulih pengidup ti manah jemah ila: “Aku diatu ngasuh kita milih entara pengidup enggau pemati, entara berekat enggau sumpah, lalu aku ngangauka langit enggau tanah nyadika saksi utai ti dipilih kita. Pilih pengidup.”—Ulang Adat 30:19.

Ngambika ngembuan pengidup ti manah jemah ila, penyembah Petara patut milih enggau betul. Baka nya mega enggau kitai. Bup Kudus nerangka, baka ni kitai ulih milih pengidup ti manah jemah ila: ‘Rinduka Jehovah Petara kita. Titihka Iya, lalu tetap ati arapka Iya.’—Ulang Adat 30:20.

BELAJAR ARI BUP KUDUS: Kena rinduka Jehovah, nuan patut belajar pasal Iya ari Bup Kudus dulu. Lebuh nuan ngereja nya, nuan deka belajar Jehovah nya Petara ti pengerindu, ke seruran dekaka utai ti pemadu manah ke nuan. Iya mai nuan besampi ngagai Iya, “laban Iya ngibun kita.” (1 Peter 5:7) Bup Kudus besemaya enti nuan naka ulih semak ngagai Iya, “Iya deka datai semak ngagai kita.”—James 4:8.

KENA UTAI KE DIPELAJAR NUAN: Ningaka jaku Petara reti iya, nitihka lalau Iya ti bepenemu-dalam ba Bup Kudus. Seraya nuan ngereja nya, nuan ulih “mujur di sebarang endur nuan bejalai.”—Joshua 1:8.