Maya jeman Bup Kudus, Petara ngena bala tuai nyelamatka nembiak Iya ari pengawa ke enda lurus. (Pengulu 2:18) Bup Kudus nerangka Hari Pechara nya maya ti ngagaka ati. Maya nya Jehovah, Hakim dunya, deka nyelamatka mensia ari pengawa ke enda lurus.—Bacha Masmur 96:12, 13; Isaiah 26:9.

Petara udah milih Jesus kena ngakim orang ke idup enggau orang ke mati. (Kereja Rasul 10:42; 17:31) Mayuh orang ke udah mati enda ngelala Petara. Maya Hari Pechara, Jesus deka ngidupka sida baru ngambika sida ulih ngelala sereta rinduka Petara ti bendar.—Bacha Kereja Rasul 24:15.

Orang ke udah mati deka diangkat idup baru maya seribu taun nya. (Pemandang 20:4, 12) Sida begunaka awak kena belajar pasal ukum Petara sereta ngasika Iya. Enda baka utai ke selalu dipechaya orang, Bup Kudus madahka orang deka diakim nitihka utai ti dikereja sida pengudah sida diangkat idup baru.—Bacha Rome 6:7.

Bup Kudus mega nerangka pasal siti hari pechara ke deka nyadi enggau enda disadang, sebedau timpuh seribu taun nya berengkah. Hari nya mega dikumbai pengujung, baka ke diterangka ba topik randau majalah tu. Maya nya, Petara deka muai semua orang ke jai. (2 Peter 3:7) Nya alai, kitai patut nunjukka pengerindu kitai ngagai Petara.—Bacha 2 Peter 3:9, 13.