Ɔcɛ Ō He Alɔ Ɔtu Nōo Yɔ I Jé Ɔkpá Nyā

Ipu Ɔda Ō Gbaajɛ nyā, alɔ lɛ aikpɛyi ɛlā ɛhɔ nōo tɛɛma kwu iyi uwa:

• Ikpɛyi ɛlā aflɛyi a géē kɛla lɛyikwu ɛgɛ nɛ Ujehofa yihɔtu ācɛ mla ɔdā nɛ ó ya ɛ o ya ɛɛ kóō ta alɔ abɔ nuunu ta íne ō biya klla ya ɔdā nōo he ɔ ɔtu a.

• Ipu ikpɛyi ɛlā ɔmpa a, alɔ géē nwu ɔdā nɛ ɔcɛ cɛgbá ō ya piii o ya ɛɛ kóō le piyabɔ mla ɛgɛ nɛ Ujehofa ta ācɛ abɔ kéē le piyabɔ ɛ ma.

• Ikpɛyi ɛlā ɔmɛta a lɛ ɔ teyi peee ɛgɛ nɛ Ujehofa dɔka ku ujɔ nōo yɔ Ukɔrinti a kéē ya ɛlā lɛ mla ɔcɛ éyi nōo biya íne nɛhi, nɛ ó kē piyabɔ ɛ ŋ ma.

• Ipu ikpɛyi ɛlā ɔmɛnɛ a, alɔ géē nwu ɛgɛ nɛ anyakwɔcɛ ku ujɔ gē je otabɔ lɛ ācɛ nōo lɛ íne nɛhi biya a.

• Ipu ikpɛyi ɛlā ɔmɛhɔ a, alɔ géē nwu ɔdā nɛ anyakwɔcɛ ku ujɔ mla ācɛ ɔhá ipu ujɔ lɔfu ya, o ya ɛɛ kéē gɔbu mafu ihɔtu mla eyinyinyi lɛ ɔcɛ néē fu ŋma ipu ujɔ a.