Abụ Ọma 132:1-18
Abụ Mgbago.
132 Jehova, biko, cheta DevidNa ahụhụ niile ọ na-ata.+
2 Jehova, cheta otú o si ṅụọrọ gị iyi,Otú o si kwe gị bụ́ Dike na-enyere Jekọb aka nkwa, sị:+
3 “Agaghị m abanye n’ụlọikwuu m, n’ụlọ m.+
Agaghị m edina n’ihe ndina m, n’àkwà m.
4 Agaghị m ekwe ka ụra gaa m n’anya,Agaghịkwa m ehi ụra
5 Ruo mgbe m chọtaara Jehova otu ebe,Bụ́ ebe dị mma* Dike na-enyere Jekọb aka ga-ebi.”+
6 Anyị nụrụ banyere ya n’Efrata.+
Anyị chọtara ya n’oké ọhịa.+
7 Ka anyị bata n’ebe o bi.*+
Ka anyị kpọọ isiala n’ihu ya.*+
8 Jehova, biko, bilie ka gị na igbe ọgbụgba ndụ nke na-egosi na ị dị ike+Bata n’ebe ị na-anọ ezu ike.+
9 Ka ndị nchụàjà gị yiri ezi omume ka uwe.
Ka ndị jisiri gị aka ike tiekwa mkpu ọṅụ.
10 N’ihi Devid ohu gị,Ajụla onye i tere mmanụ.+
11 Jehova aṅụọrọla Devid iyi.
Ọ ga-emezurịrị ihe o kwuru, sị:
“M ga-eme ka otu n’ime ụmụ gị*Nọrọ n’ocheeze gị.+
12 Ọ bụrụ na ụmụ gị emebighị ọgbụgba ndụ m,Ọ bụrụkwa na ha na-eme ihe m na-echetara ha, bụ́ ihe ndị m na-akụziri ha,+Ụmụ ha ga-anọrọkwaN’ocheeze gị ruo mgbe ebighị ebi.”+
13 N’ihi na Jehova ahọrọla Zayọn.+
Ọ bụ ebe ọ chọrọ ibi. Ọ sịrị:+
14 “Ebe a bụ ebe m ga-anọ na-ezu ike ruo mgbe ebighị ebi.
Ọ bụ ebe a ka m ga-ebi+ n’ihi na ọ bụ ihe m chọrọ.
15 M ga-eji ihe oriri gọzie obodo a.
M ga-eji achịcha nyejuo ndị ogbenye bi na ya afọ.+
16 M ga-azọpụta ndị nchụàjà bi na ya.*+
Ndị jisiri Chineke aka ike ga-eti mkpu ọṅụ.+
17 M ga-eme ka Devid sikwuo ike.*
M meela ka e nwee onye si n’ezinụlọ onye m tere mmanụ ga na-achị.*+
18 M ga-eme ka ihere ju ndị iro ya ihu,Ma okpueze onye m tere mmanụ kpu n’isi ga na-egbuke egbuke.”+
Ihe E Dere n'Ala Ala Peeji
^ Ma ọ bụ “nnukwu ụlọikwuu.”
^ Ma ọ bụ “ná nnukwu ụlọikwuu ya.”
^ Ma ọ bụ “n’ebe ọ gbakwasịrị ụkwụ.”
^ Na Hibru, “mkpụrụ nke afọ gị.”
^ Ma ọ bụ “M ga-eyiwe ndị nchụàjà ya nzọpụta dị ka uwe.”
^ Na Hibru, “mpi Devid puo.”
^ Na Hibru, “Akwadebela m ọkụ maka onye m tere mmanụ.”
