Abụ Ọma 136:1-26
136 Keleenụ Jehova n’ihi na ọ dị mma.+
Ịhụnanya ya* na-adịru mgbe ebighị ebi.+
2 Keleenụ Chi kacha chi niile,+N’ihi na ịhụnanya ya na-adịru mgbe ebighị ebi.
3 Keleenụ Onyenwenụ kacha ndị nwenụ niile,N’ihi na ịhụnanya ya na-adịru mgbe ebighị ebi.
4 Ọ bụ naanị ya na-eme ihe ndị dị ezigbo ịtụnanya,+N’ihi na ịhụnanya ya na-adịru mgbe ebighị ebi.+
5 O ji amamihe* kee eluigwe,+N’ihi na ịhụnanya ya na-adịru mgbe ebighị ebi.
6 Ọ gbasara ụwa n’elu mmiri,+N’ihi na ịhụnanya ya na-adịru mgbe ebighị ebi.
7 O kere nnukwu ihe ndị na-enye ìhè,+N’ihi na ịhụnanya ya na-adịru mgbe ebighị ebi.
8 O kere anyanwụ ka ọ na-enye ìhè n’ehihie,+N’ihi na ịhụnanya ya na-adịru mgbe ebighị ebi.
9 O kere ọnwa na kpakpando ka ha na-enye ìhè n’abalị,+N’ihi na ịhụnanya ya na-adịru mgbe ebighị ebi.
10 O gburu ihe niile e bu ụzọ mụọ n’Ijipt,+N’ihi na ịhụnanya ya na-adịru mgbe ebighị ebi.
11 O si n’Ijipt kpọpụta ndị Izrel,+N’ihi na ịhụnanya ya na-adịru mgbe ebighị ebi.
12 O ji aka ya siri ike+ na ike ya kpọpụta ha,N’ihi na ịhụnanya ya na-adịru mgbe ebighị ebi.
13 O kewara Oké Osimiri Uhie ụzọ abụọ,+N’ihi na ịhụnanya ya na-adịru mgbe ebighị ebi.
14 O mere ka ndị Izrel si n’etiti ya gafere,+N’ihi na ịhụnanya ya na-adịru mgbe ebighị ebi.
15 Ọ tụbara Fero na ndị agha ya n’ime Oké Osimiri Uhie,+N’ihi na ịhụnanya ya na-adịru mgbe ebighị ebi.
16 O du ndị ya gafee ala ịkpa,+N’ihi na ịhụnanya ya na-adịru mgbe ebighị ebi.
17 O bibiri ndị eze ukwu,+N’ihi na ịhụnanya ya na-adịru mgbe ebighị ebi.
18 O gburu ndị eze dị ike,N’ihi na ịhụnanya ya na-adịru mgbe ebighị ebi,
19 Ya bụ, Saịhọn+ eze ndị Amọraịt,N’ihi na ịhụnanya ya na-adịru mgbe ebighị ebi,
20 Na Ọg+ eze Beshan,N’ihi na ịhụnanya ya na-adịru mgbe ebighị ebi.
21 O nyere ndị ya ala ha ka ọ bụrụ ihe ha ketara,+N’ihi na ịhụnanya ya na-adịru mgbe ebighị ebi,
22 Ka ọ bụrụ ihe Izrel ohu ya ketara,N’ihi na ịhụnanya ya na-adịru mgbe ebighị ebi.
23 O chetara anyị mgbe anyị nọ ná nsogbu,+N’ihi na ịhụnanya ya na-adịru mgbe ebighị ebi.+
24 Ọ nọ na-anapụta anyị n’aka ndị iro anyị,+N’ihi na ịhụnanya ya na-adịru mgbe ebighị ebi.
25 Ọ na-enye ihe niile dị ndụ* nri,+N’ihi na ịhụnanya ya na-adịru mgbe ebighị ebi.
26 Keleenụ Chineke nke eluigwe,N’ihi na ịhụnanya ya na-adịru mgbe ebighị ebi.
Ihe E Dere n'Ala Ala Peeji
^ Ma ọ bụ “Ịhụnanya ya pụrụ iche.”
^ Ma ọ bụ “nghọta.”
^ Na Hibru, “anụ ahụ́ niile.”
