Abụ Ọma 79:1-13
Abụ Esaf.+
79 Chineke, ndị mba ọzọ abatala n’ala gị.+
Ha emerụọla ụlọ nsọ gị.+
Ha emeela ka Jeruselem bụrụzie obodo e bibiri ebibi.+
2 Ha ewerela ozu ndị ohu gị nye ụmụ nnụnụ ka ha rie,Werekwa anụ ahụ́ ndị na-erubere gị isi nye anụ ọhịa.+
3 Ha awụfuola ọbara ha ka mmiri n’ebe niile na Jeruselem,E nweghịkwa onye fọrọnụ ga-eli ha.+
4 Ndị agbata obi anyị jizi anyị eme ihe ọchị.+
Ndị gbara anyị gburugburu na-akparị anyị ma na-akwa anyị emo.
5 Jehova, olee mgbe ị ga-akwụsị oké iwe ị na-ewe? Ị̀ ga na-ewe iwe ruo mgbe ebighị ebi?+
Olee mgbe iwe gị nke na-ere ka ọkụ ga-akwụsị?+
6 Wesa mba ndị na-amaghị gịNakwa alaeze ndị na-anaghị akpọku aha gị ezigbo iwe.+
7 N’ihi na ha ebibiela Jekọb,Meekwa ka obodo ya tọgbọrọ chakoo.+
8 Atala anyị ahụhụ maka ihe ọjọọ nna nna anyị hà mere.+
Meere anyị ebere ọsọ ọsọ,+N’ihi na e mechuola anyị ezigbo ihu.
9 Chineke, onye na-azọpụta anyị, biko, nyere anyị aka+N’ihi aha gị dị ebube.
Napụta anyị ma gbaghara anyị* mmehie anyị n’ihi aha gị.+
10 Gịnị mere mba dị iche iche ga-eji sị: “Olee ebe Chineke ha nọ?”+
Ka anyị hụ mgbe a ga-eme ka mba niile mara
Na ị bọọla ọbọ maka ọbara ndị ohu gị e gburu egbu.*+
11 Biko, nụrụ ude onye mkpọrọ na-asụ.+
Jiri nnukwu ike* gị napụta* ndị a mara ikpe ọnwụ.+
12 Jehova, biko, kwụọ ndị agbata obi anyị ụgwọ okpukpu asaa+
Maka mkparị ha kparịrị gị.+
13 Mgbe ahụ, anyị bụ́ ndị gị, ndị bụ́kwa ìgwè atụrụ ị na-enye nri,+Ga na-ekele gị ruo mgbe ebighị ebi.
Anyị ga-etokwa gị si n’ọgbọ ruo n’ọgbọ.+
Ihe E Dere n'Ala Ala Peeji
^ Na Hibru, “kpuchie.”
^ Na Hibru, “ọbara ndị ohu gị a wụfuru.”
^ Na Hibru, “ogwe aka.”
^ O nwere ike ịbụ, “tọhapụ.”
