Abụ Ọma 80:1-19
Ntụziaka e nyere onye na-eduzi abụ. A ga-eji ụda a na-akpọ “Okooko Lili” kpọọ ya. Abụ e ji echeta ihe. Abụ Esaf.+
80 Gị Onye na-azụ Izrel dị ka atụrụ, biko, gee ntị,Gị onye na-edu Josef dị nnọọ ka ìgwè atụrụ.+
Gị onye nọ n’ocheeze dị n’elu* ndị cherob,+Mee ka ìhè gị nwuo.
2 Gosi ike gị+N’ihu Ifrem na Benjamin na Manase.
Bịa zọpụta anyị.+
3 Chineke, biko, nabataghachi anyị.+
Meere anyị amara* ka e wee zọpụta anyị.+
4 Jehova Chineke nke ụsụụ ndị agha, olee mgbe ị ga-akwụsị ileghara ekpere ndị gị anya n’ihi nnukwu iwe ị na-ewesa ha?+
5 Ị na-eme ka anya mmiri bụrụ nri ha,Ị na-emekwa ka ha na-aṅụ anya mmiri gafee ókè.
6 I kwere ka ndị agbata obi anyị na-agba mbọ ka ha merie anyị.
Ndị iro anyị na-akwa anyị emo otú o si masị ha.+
7 Chineke nke ụsụụ ndị agha, biko, nabataghachi anyị.
Meere anyị amara* ka e wee zọpụta anyị.+
8 I mere ka osisi vaịn+ si n’Ijipt pụta.
Ị chụpụrụ mba dị iche iche wee kụọ ya.+
9 Ị sụchaara ya ebe ọ ga-epu,O wee gbanye mgbọrọgwụ ma tochie ala ahụ.+
10 Ndò ya kpuchiri ugwu dị iche iche,Alaka ya kpuchikwara osisi sida dị iche iche Chineke kụrụ.
11 Alaka ya gbasara ruo n’oké osimiri,Ngalaba ya rukwara n’Osimiri Yufretis.+
12 Gịnị mere i ji kwatusịa mgbidi e ji nkume rụọ, bụ́ ndị gbara osisi vaịn ahụ gburugburu,+Nke meziri ndị niile na-agafe agafe ji na-aghọrọ mkpụrụ ya?+
13 Ézì ọhịa na-ebibi ya,Anụ ọhịa na-erikwa ya.+
14 Chineke nke ụsụụ ndị agha, biko, lọghachi.
Si n’eluigwe ledata anya hụrụ.
Lekọta osisi vaịn a,+
15 Bụ́ osisi i ji aka nri gị kụọ.+
Biko, lebara nwa gị nwoke anya, bụ́ onye* i mere ka ọ dịịrị gị ike.+
16 A na-egbutu ya, gbaa ya ọkụ.+
Mba ị na-aba na-eme ka a na-ala ha n’iyi.
17 Biko, nyere onye nọ gị n’aka nri aka,Ya bụ, nwa nke mmadụ, onye i mere ka ọ dịịrị gị ike.+
18 Anyị agaghịzi ahapụ gị.
Dowe anyị ndụ, ka anyị wee na-akpọ aha gị.
19 Jehova Chineke nke ụsụụ ndị agha, biko, nabataghachi anyị.
Meere anyị amara* ka e wee zọpụta anyị.+
Ihe E Dere n'Ala Ala Peeji
^ O nwere ike ịbụ, “n’etiti.”
^ Na Hibru, “Mee ka ihu gị nwuoro anyị ìhè.”
^ Na Hibru, “Mee ka ihu gị nwuoro anyị ìhè.”
^ Ma ọ bụ “alaka.”
^ Na Hibru, “Mee ka ihu gị nwuoro anyị ìhè.”
