“Ohe Oluhye . . . ka ya [igomenti] ọhẹ yeji ọlẹ kọ ka juwa pyịyọọ. Ị́ ka kụrwọọ myị ka.”—ỊDanẹlụ 2:44, ỊBayịbụụ nya Ohe Oluhye.

“Ị ya ọnyị ọlẹng hahị lẹ! Ọwa-à ka ri olegbeju nya [igomenti] lẹ.”—Ayịsaya 9:6.

• IGomenti ọnyịịla ọlẹ á ka ye apyobwuna bwu yẹẹyẹẹ. —Ayịsaya 48:17, 18.

• À ka la ịnyịrọ ogogo bala o-ye ọkẹkẹnị mwụba-mwụba ụ-ụwa odehe onyeewe.—Ọwụrụụ-wụrụ 21:3, 4.

Ee, u-uhye nya ahị nya ẹla imiiye:

• Akụrwọ ẹbyẹbyị ịlẹ ká iJisọsị họ mẹ ang ịlẹ ká Ịpyị-Adịrahụ nya Ohe Oluhye ka họ ị-ịlahị jẹ́ẹhị. IJisọsị mẹjẹ angịjụgbẹyị nyamwụ nyị raabwọ ká Ịpyị-Adịrahụ nya Ohe Oluhye ka wẹ odehe ọlẹ bala irya nyamwụ ọ-ka họ ám̀ odehe ịnyịnyị. (ỊMatiyu 6:9, 10) IJisọsị họ mẹjẹ jaabwọ ká Ohe Oluhye ka wẹ abwọ ọrịrị ọwẹ.

  Ụka ká iJisọsị jam odehe ọlẹ, ọ ya ang oriri ha angịnyị ri, ọ họ alẹdụrụ uda bala o-wule angịnyị eji bwula igu! (ỊMatiyu 15:29-38; ịJọn 11:38-44) IJisọsị ọngọ wẹẹ ka kpeji ị-Ịpyị-Adịrahụ nya Ohe Oluhye mẹjẹ́ẹhị ang ịnyịịla-ịnyịịla ịlẹ ká Ịpyị-Adịrahụ ọọwa ka họ ha angịlẹ kị́ ji ekpeleji nyamwụ bwula akụrwọ ẹbyẹbyị ịlẹ kọ họ.—Ọwụrụụ-wụrụ 11:15.

• Iwe-ahụrụ nya odehe lẹẹlẹẹ mẹjẹ nyori Ịpyị-Adịrahụ nya Ohe Oluhye ju chwẹẹ lẹ. IJisọsị ya neeji nyori, ene ká Ịpyị-Adịrahụ nya Ohe Oluhye ka kpa okpunyi wẹ odehe ọlẹ, odehe nyahị nyị ka mịla ẹwụ ọdada, uhi ọtụka-ọtụka bala ọpyị ọ-hụ́ jigi-jigi ju ka ẹga ịdatị-datị.—ỊMatiyu 24:3, 7.

  Ahị yẹ ang ịwẹ wuu kị́ jam họ jịra ám̀ odehe ọlẹ alẹ. Lẹ, ahị ka lahị ọdahile nyori, Ịpyị-Adịrahụ nya Ohe Oluhye ka kpa akama ịwẹ wuu kaka cheju lụka kpii.