Ahị kaa gbịgba ha iJihova ụka kahị tu guru lawụlẹ ọọjịra-jịra nya epwihi, ịnya isekut, bala ọjịra-jịra ọtụka, ahị tị jẹ́-ẹ họ ịnyị la ịlọhị lee bala ugbiyegu nyahị ịnyịnyị. Ang ịhyẹ ịlẹ ká ka jẹ́-ẹ jẹ́ lụka nya ang ọjẹ́jẹ nya ịlọng lee ang ọjẹ́jẹ nya ugbiyegu lẹẹ:

• Nwụlanọ gbe ọjịra-jịra nya epwihi. Eje ọjẹ́jẹ bala ọ-da ọng myị́ ọng e-ẹpwụ nya ugbiyegu ụbwọ nyọka nwụla ẹla ọlẹ kị ka wẹ nọ ka juwa ịnyịnyị myị́.

• Wa oja ọhẹ bwu ẹpwụ nya ịBayịbụụ. Ụka ká wa kpá, gbe ifoto nya ang ọlẹ kọ họ lee ọ-da ẹla ọlẹ ká jẹ́ ju ang.

• Kụ ẹhị yẹ abwọ ọrịrị ịlẹ kị ji ịBayịbụụ, kanụ ya ẹla u-uhye nya abwọlẹ kị ka jẹ́-ẹ danụ ụbwọ ká abwọ ọrịrị nyanụ ka há gụ olene.

• Yẹ ifim ịlẹ ká ogu nya iJihova họ kanụ ya ẹla u-uhye nya ang ọlẹ kanụ jẹ́ bwu ụwa lee ọ-dọọ neeji.

• Nwụlanọ gbe ẹrụ ọnyịịla ọ-kpa pyẹ, anụ ka họ ọ-mahọ nya ẹla ọlẹ kanụ ka ya myị́.

• Mwụụrụ yẹ ang ịlẹ ká iJihova họ, ká me irya jwaa lee kanụ ya ẹla u-uhye nya ang ịlẹ kị mẹ jẹẹnụ u-uhye nya iJihova. a