Job 39:1-30
39 “Ammom kadi no kaano nga aganak dagiti kalding ti bantay?+
Nakakitaka kadin iti agan-anak nga ugsa?+
2 Mabilangmo kadi no mano a bulan ti panagsikogda?
Ammom kadi no kaano ti panaganakda?
3 Agrukobda no iyanakda ti urbonda,Ket agsardengen ti panagpasikalda.
4 Pumigsa ti urbonda ket dumakkelda iti tay-ak;Pumanawda ket saanda idan a sublianan.
5 Asino ti nangibulos iti atap nga asno,+Ken asino ti nangwarwar iti galut ti atap nga asno?
6 Inaramidko ti tanap a pagyanannaKen iti naapgad a daga a pagtaenganna.
7 Adaywanna ti natagari a siudad;Saanna a mangngeg dagiti pukkaw ti mangpatrabaho kenkuana.
8 Sursorenna dagiti turod tapno agbirok iti pagarabanna,Ken kadagiti berde a mula.
9 Kayat kadi ti atap a kalakian a baka ti agtrabaho kenka?+
Kayatnanto aya ti umyan iti kulongam?*
10 Magalutam aya ti atap a kalakian a baka tapno agarado,Wenno agtulnogto aya kenka nga agsuyod iti talon?
11 Mapagpannurayam aya ti kasta unay a pigsanaKen ipaaramidmo aya kenkuana ti nadagsen a trabahom?
12 Mapagpiaram aya nga iyawidna ti apitmo,*Ken urnongennanto aya dayta iti pagirikam?
13 Maay-ayatan nga agpayakpak dagiti payak ti abestrus,Ngem kapadana kadi dagiti payak ken dutdot ti billit a tikbaboy?+
14 Ta panawanna dagiti itlogna iti daga,Ken bay-anna ti nabara a tapok a mangukop kadagita,
15 Malipatanna nga amangan ta adda saka a makabaddek kadagitaWenno adda atap nga animal a makapayat kadagita.
16 Saan a nasayaat ti panangtratona kadagiti piekna, a kas man la saanna ida a piek;+Saan a madanagan a masayang ti panagbannogna.
17 Ta ti sirib ket impaidam* ti Dios kenkuanaKen saanna nga inikkan iti pannakaawat.
18 Ngem no agtakderen ken ipayakpaknan dagiti payakna,Katawaanna ti kabalio ken ti nakasakay iti dayta.
19 Sika kadi ti mangmangted iti pigsa ti kabalio?+
Sika kadi ti nangikabil iti agallo-allon a buokna?
20 Mapaglagtom kadi dayta a kas iti dudon?
Nakabutbuteng ti napigsa a panagbanang-esna.+
21 Makaraykay dagiti sakana ti daga iti tanap ken nangangato dagiti lagtona;+Umabante iti paggugubatan.*+
22 Saan a madanagan ken awan ti kabutengna.+
Saanna nga atrasan ti espada.
23 Maisagidsagid iti dayta ti pagkargaan iti pana,Aggilapgilap dagiti pika.
24 Magagaran unay nga umabante,*Saanna nga ikaskaso* ti uni ti tangguyob.
25 Aggaraigi* no aguni ti tangguyob,Maangotna ti gubat uray no adayoKen mangngegna ti pukkaw dagiti komander ken ikkis iti paggugubatan.+
26 Gapu aya iti pannakaawatmo nga agtayab ti kali,Nga iyukradna dagiti payakna iti abagatan?
27 Wenno gapu aya iti bilinmo a tumayab ti agila nga agpangato+Ken agaramid iti umokna iti nangato a disso,+
28 Sa umyan iti bakras ti bantayKen pagbalinenna a baluartena ti nangato ken dakkel a bato?*
29 Manipud sadiay nga agbirok iti kanenna;+Makita dagiti matana ti adayo a distansia.
30 Agsusop dagiti sibongna iti dara;Ket iti ayan dagiti napapatay, adda sadiay ti agila.”+
Footnotes
^ Wenno “kulluongmo.”
^ Lit., “bin-im.”
^ Lit., “impalipat.”
^ Lit., “Sabatenna ti kabal.”
^ Lit., “a mangalimon iti daga.”
^ Wenno mabalin a, “Saanna a patpatien.”
^ Wenno “Agaring-ing.”
^ Lit., “rabaw ti pannakangipen ti napasdok a bato.”
