Job 7:1-21
7 “Saan aya a ti biag ti tao ditoy daga ket mayarig iti inkapilitan a panagtrabaho,Ken saan aya a dagiti aldawna ket kas iti matangtangdanan a trabahador?+
2 Kas iti adipen a kayatna ti aglinong,Ken kas iti matangtangdanan a trabahador nga agur-uray iti sueldona.+
3 Adu a bulan nga awan serserbi ti biagko,Ken adu a rabii a kakaasi ti kasasaadko.+
4 Salsaludsodek no nakaiddaakon, ‘Kaanoak a bumangon?’+
Ngem bayat nga umad-adalem ti rabii, diak makatalna agingga iti parbangon.*
5 Inigges ti bagik ken napno iti kabkab;+Ginaddil ken agnannana ti kudilko.+
6 Naparpartak ti taray dagiti aldawko ngem iti panagpusipos ti barkilia ti agab-abel,+Ket agpatinggada nga awanan namnama.+
7 Laglagipem a ti biagko ket kas iti angin,+Ken diakton pulos makita ni ragsak.*
8 Dinakton makita ti makakitkita ita kaniak;Birokennakto ngem awanakton.+
9 Kas iti ulep nga aglabas ken agpukaw,Saanton nga agsubli daydiay umulog ken Tanem.*+
10 Saanton nga agsubli iti balayna,Ken malipatanton dagiti makaam-ammo kenkuana.+
11 Diak ngarud igawid ti ngiwatko.
Agsaoak gapu iti nasaem a marikriknak;Agreklamoak gapu iti nakaro a rigatko!+
12 Maysaak aya a baybay wenno dakkel nga animal iti baybay,Tapno ikkannak iti mangbantay kaniak?
13 Inton ibagak, ‘Ti pagiddaak ti mangliwliwa kaniak;Ti katrek ti mangpalag-an iti panagrigatko,’
14 Ngem binutbutengnak kadagiti tagtagainep,Ken pinagpigergernak kadagiti sirmata,
15 Isu a kaykayatko laengen ti matay tapno sumardengen ti panagangesko,Wen, nasaysayaat laengen a matayak imbes a kastoy ti bagik.*+
16 Kagurak ti biagko;+ diak kayaten ti agbiag.
Baybay-annakon, ta kasla sang-aw laeng dagiti aldawko.+
17 Ta ania koma ti tao tapno tagipatgemKen tapno asikasuem?*+
18 Apay a binigat a sukimatem,Ken iti tunggal kanito a subokem?+
19 Apay a kanayon a kitkitaennak,Ken apay a dinak man la ikkan iti tiempo a mangtilmon iti katayko?+
20 No nagbasolak, kasano koma a madangranka, Sika a mangsipsiput iti amin a tattao?+
Apay a siak ti puntiriam?
Nagbalinak aya a makapadagsen kenka?
21 Apay a dimo pakawanen ti basolkoKen palabsen ti biddutko?
Ta dandaniakon agidda iti tapok,+Birokennakto man ngem awanakton.”
Footnotes
^ Wenno “agingga nga aglawag iti bigat.”
^ Lit., “makita ti imbag.”
^ Lit., “dagiti tulangko.”
^ Lit., “isaadmo ti pusom kenkuana.”
