Salmo 20:1-9
-
Panangisalakan iti ari a dinutokan ti Dios
-
Dagiti karuahe ken kabalio ti pagpannurayan ti dadduma, ‘ngem umawagkami iti nagan ni Jehova’ (7)
-
Iti direktor. Kanta ni David.
20 Sungbatannaka koma ni Jehova iti tiempo ti rigat.
Salaknibannaka koma ti nagan ti Dios ni Jacob.+
2 Manipud iti nasantuan a disso, tulongannaka koma,+Ket manipud iti Sion, saranayennaka.+
3 Malagipna koma dagiti amin nga isagutmo;Ket siraragsak nga awatenna* ti mapuoran a datonmo. (Selah)
4 Patganna koma dagiti tarigagay ti pusom+Ken pagballigienna ti amin a panggepmo.*
5 Agriawkamto a siraragsak gapu iti panangisalakanmo;+Ingatominto dagiti wagaywaymi iti nagan ti Diosmi.+
Ited koma ni Jehova ti amin a kiddawmo.
6 Ammok itan nga isalakan ni Jehova ti dinutokanna.*+
Manipud iti nasantuan a langit, sungbatan ti Dios ti kararagnaBabaen ti naisangsangayan a panangisalakan* ti makannawan nga imana.+
7 Dagiti karuahe ken kabalio ti pagpannurayan ti dadduma,+Ngem umawagkami iti nagan ti Diosmi a ni Jehova.+
8 Natuang ken napapatayda,Ngem bimmangon ken timmakderkami.+
9 O Jehova, isalakanmo ti ari!+
Sungbatannakami inton agpatulongkami.+
Footnotes
^ Lit., “ibilangna a nalukmeg.”
^ Wenno “pammagbagam.”
^ Wenno “pinulotanna.”
^ Wenno “panagballigi.”
