Salmo 62:1-12
Iti direktor; ti Jedutun.* Kanta ni David.
62 Agurayak a siaanus iti Dios.
Isu ti mangisalakan kaniak.+
2 Talaga nga isu ti dakkel a bato a pakaisalakanak, ti natalged a pagkamangak;+Diakto pulos maan-ano.+
3 Kasano kabayag a rautenyo ti tao a kayatyo a patayen?+
Aminkayo ket kas kapeggad ti nakairig a pader a dandanin marba.*
4 Pagsasaritaanda no kasanoda nga ikkaten iti nangato a saadna;*Pagay-ayatda ti agulbod.
Nagsayaat ti ibagbagada ngem mangilunlunodda iti un-unegda.+ (Selah)
5 Agurayak a siaanus iti Dios+Ta isu ti pangnamnamaak.+
6 Talaga nga isu ti dakkel a bato a pakaisalakanak, ti natalged a pagkamangak;Diakto pulos maan-ano.+
7 Ti Dios ti mangisalakan ken mangipaay iti dayaw kaniak.
Ti Dios ti kamangko ken natibker a dakkel a bato a paglemmengak.+
8 Kanayon nga agtalekkayo kenkuana, dakayo a tattao.
Iyebkasyo kenkuana dagiti linaon ti pusoyo.+
Ti Dios ti kamangtayo.+ (Selah)
9 Dagiti annak ti tattao ket kaslada laeng iti sang-aw,Saanda a natalged a pagkamangan.+
No pagtitiponen ida iti timbangan, nalaglag-anda pay ngem iti sang-aw.+
10 Dika agpannuray iti panagkikilWenno mangnamnama iti panagtakaw.
No umadu ti kinabaknangmo, saan a dayta ti pangipamaysaam iti panunotmo.+
11 Imbaga ti Dios iti naminsan, wen, naminduan a nangngegko daytoy:
A ti pigsa ket aggapu iti Dios.+
12 Napudno met ti ayatmo, O Jehova,+Ta gunggonaam ti tunggal maysa sigun iti aramidna.+
Footnotes
^ Wenno mabalin nga, “Aminkayo, a kasla pagsangsanggiranna a pader, ket pader a dandanin marba.”
^ Wenno “ti dayawna.”
