SALUDSOD 10
Ania ti Kari ti Biblia Para iti Masanguanan?
“Dagiti nalinteg kukuadanto ti daga, ket agyandanto iti dayta iti agnanayon.”
“Ti daga agtalinaed iti agnanayon.”
“Alimonennanto ni patay iti agnanayon, ket punasento ti Kangatuan nga Apo Jehova dagiti lua iti amin a rupa.”
“Iti dayta a tiempo, makakitanto ti mata dagiti bulsek, ken makangngegto ti lapayag dagiti tuleng. Iti dayta a tiempo, aglagtonto dagiti pilay a kas iti ugsa, agpukkawto ti dila dagiti umel gapu iti rag-o. Ta pumsuakto ti danum iti let-ang, ken agayusto ti danum iti desierto.”
“Punasennanto ti amin a lua kadagiti matada, ken awanton ni patay. Awanto metten ti panagladingit wenno panagsangit wenno ut-ot. Dagiti dati a bambanag ket limmabasen.”
“Mangbangondanto kadagiti balay ket agnaedda kadagita, ken agmuladanto kadagiti ubas ket kanenda ti bungada. Didanto mangbangon ket sabali ti agnaed, didanto agmula ket sabali ti mangan. Ta kaslanto iti kapaut ti maysa a kayo ti kapaut dagiti aldaw ti tattaok, ket naan-anayto a tagiragsaken dagiti pinilik ti aramid ti imada.”
