KRISIS ITI LUBONG
2 | Protektaram ti Pagsapulam
NO APAY NGA IMPORTANTE
Adu ti marigrigatan a mangbirok iti inaldaw a kasapulanda. Ngem narigrigat manen no panawen ti krisis. Apay?
-
No adda krisis, ngumato ti babayadan—kas kadagiti paggastosan iti makan ken pagyanan.
-
Gapu iti krisis, umadu met ti maawanan iti trabaho wenno bumassit ti sueldo ti dadduma.
-
No adda kalamidad, mabalin a maperdi dagiti pagnegosioan, pagyanan, wenno dadduma pay a sanikua, isu nga agrigat ti adu.
Ti Masapul a Maammuam
-
No nalaingka nga agbadyet, agbiagka iti panawen ti krisis.
-
Laglagipem a posible a bumaba ti balor ti kuarta a masapsapulam, urnongmo, ken sanikuam.
-
Saan nga amin ket magatang ti kuarta, kas iti kinaragsak ken panagkaykaysa ti pamilia.
Ti Maaramidam Itan
Kuna ti Biblia: “Kontentotayo koman no adda taraon ken badotayo.”—1 Timoteo 6:8.
No kontentotayo, naragsaktayon no adda dagiti inaldaw a kasapulantayo ken konkontrolentayo ti aggatang kadagiti kayattayo. Importante dayta nangruna no bimmassit ti sapultayo.
Tapno agbalinka a kontento, baka masapul nga adda balbaliwam iti panaggastosmo. No ad-adu ti gastosmo ngem iti masapsapulam, dakdakkelto ti problemam.
Baka Kayatmo Met ti
AGRIINGKAYO!
Mapasayaat ti Biag—Panangiggem iti Kuarta
Kasano a matulongannaka dagiti prinsipio ti Biblia tapno maksayan ti problemam iti kuarta?
AGRIINGKAYO!
Tallo a Banag a Saan a Magatang ti Kuarta
Gapu iti kuarta, adda dagiti magatangtayo a kasapulantayo ngem ti naan-anay a pannakapnek iti biag ket magun-odan kadagiti banag a saan a magatang ti kuarta.
