1 | Kararag—“Ipalladawyo Kenkuana ti Amin a Pakadanaganyo”
TI KUNA TI BIBLIA: “Ipalladawyo [iti Dios] ti amin a pakadanaganyo ta ipatpategnakayo.”—1 PEDRO 5:7.
Ti Kaipapananna
Aw-awisennatayo ni Jehova a Dios a mangibaga kenkuana ti aniaman a pakadagsenan ti isip ken pusotayo. (Salmo 55:22) Mabalintayo nga ikararag ti aniaman a problematayo, kasanoman kadakkel wenno kabassit dayta. No importante dayta kadatayo, importante met dayta ken Jehova. Ti panagkararag kenkuana ket maysa a napateg a pamay-an tapno maaddaantayo iti talna ti panunot.—Filipos 4:6, 7.
No Kasano a Makatulong
No marigrigatantayo a manglaban iti problematayo iti mental a salun-at, mabalin a mariknatayo a kasla agmaymaysatayo. Saan a kanayon a naan-anay a maawatan ti dadduma a tao ti marikriknatayo. (Proverbio 14:10) No ibagatayo iti Dios ti amin a pakadanagantayo babaen ti kararag, mariknatayo a kanayon a dengdenggen ken maawatannatayo. Makitkitanatayo ni Jehova. Ammona ti saem a marikriknatayo ken dagiti pakarigatantayo, ket kayatna nga ikararagtayo kenkuana ti aniaman a mangpadpadagsen kadatayo.—2 Cronicas 6:29, 30.
No makisaritatayo ken Jehova iti kararag, bumileg ti panagtalektayo nga ipatpategnatayo. Mariknatayo ti kas iti narikna ti salmista a nangikararag: “Nakitam ti panagrigrigatko; ammom ti nakaro a panagladingitko.” (Salmo 31:7) Ammotayo a makitkita ni Jehova dagiti pakarigatantayo. Isu a kayatayo a sanguen dagiti arigna nasipnget a tiempo iti biagtayo. Ngem saanna la a basta maawatan dagita a pakarigatantayo. Liwliwaen ken pagin-awaennatayo pay babaen ti Biblia. Isuna laeng ti makaaramid iti dayta.
Baka Kayatmo Met ti
TI PAGWANAWANAN
Kasanoka nga Agkararag Tapno Denggennaka ti Dios?
Agkararagka iti Dios iti sadinoman ken kaanoman, iti napigsa wenno naulimek. Imbaga pay ni Jesus no ania ti mabalintayo nga ikararag.
PANNAKAILAWLAWAG DAGITI BERSIKULO ITI BIBLIA
Pannakailawlawag ti Isaias 41:10—“Dica Agbuteng, ta Addaac Kenca!”
Nangusar ni Jehova iti tallo a sasao tapno ipasiguradona kadagiti matalek nga agdaydayaw kenkuana a tulonganna ida.
NAGPAPATEG A PANNURSURO TI BIBLIA
Denggen Kadi ti Dios ti Amin a Kararag?
Kasanon no ti kararag ti tao ket para laeng iti bukodna a pagnam-ayan? Kasanon no maltratuen ti lalaki ti asawana sa kabigatanna ikararagna a bendisionan ti Dios isuna?
SALUDSOD DAGITI AGTUTUBO
Apay a Masapul nga Agkararagak?
Ti kadi panagkararag ket maysa laeng a pamay-an a mangpalag-an iti rikna, wenno adda pay naun-uneg a kaipapananna?
TI PAGWANAWANAN
Dengdenggen Kadi ti Dios Dagiti Kararagtayo?
Ipasigurado ti Biblia a denggennatayo ti Dios no agkararagtayo iti umiso a pamay-an.
MAIPAPAN KADAKAMI
Kayatmo Kadi ti Mabisita?
Pagsaritaanyo ti maysa a saludsod maipapan iti Biblia, wenno ammuem ti ad-adu pay maipapan kadagiti Saksi ni Jehova.
