Sakbay a makabuyaka iti JW Broadcasting iti Amazon Fire TV, masapul nga i-set up-mo nga umuna ti Fire TV sa i-install-mo ti JW Broadcasting app. Surotem dagitoy nga instruksion:

•  I-set Up-mo ti Amazon Fire TV

•  I-install-mo ti JW Broadcasting iti Amazon Fire TV

Adda instruksion a naipakuyog iti Amazon Fire TV a makatulong tapno mai-set up-mo dayta ken maikonektarmo iti Internet. No naikonektarmon ti Amazon Fire TV, surotem dagiti instruksion iti iskrin. Mabalin a makiddaw nga i-register-mo ti Amazon Fire TV nga usarem ti Amazon account user name ken password-mo.

Palagip: Masapul a nakakonektar iti Internet ti computer wenno mobile device-mo tapno makitam dagiti instruksion.

Para iti kanayonan nga impormasion, buyaem ti video a mangipakita no kasano nga i-set up ti Amazon Fire TV.

Mapanka iti Amazon Fire TV home screen, sa surotem dagiti instruksion iti baba tapno mai-install-mo ti JW Broadcasting:

• Talmegam ti Up wenno Down iti Amazon Fire TV remote-mo agingga a mapilim ti Search.

• Talmegam ti Select.

No ag-type-ka iti Search ti Fire TV, agparang dagiti pelikula, TV shows, artista, direktor, app, games, ken channel a konektado iti in-type-mo. Birokem ti JW Broadcasting iti Enter Apps & Games. I-type-mo ti jw broadcasting.

No agparang ti JW Broadcasting, talmegam ti Down arrow tapno mapilim ti JW Broadcasting, sa talmegam ti Select. Talmegam ti Right arrow tapno mapilim ti app, sa talmegam ti Select. Piliem ti Get button tapno mai-download-mo ti app iti Amazon Fire TV. No nai-download-en ti app, masuktan ti Get button iti Open button.

Tapno maluktam ti JW Broadcasting, piliem ti Open, wenno agsublika iti home screen ti Amazon Fire TV sa birokem ti JW Broadcasting iti Apps. Agbirokka iti seksion a Your Apps Library.