Sakbay a makabuyaka iti JW Broadcasting iti Apple TV, masapul nga i-set up-mo nga umuna ti Apple TV sa i-install-mo ti JW Broadcasting app. Surotem dagitoy nga instruksion:

•  I-set Up-mo ti Apple TV

•  I-install-mo ti JW Broadcasting Babaen ti App Store

Adda instruksion a naipakuyog iti Apple TV a makatulong tapno mai-set up-mo dayta ken maikonektarmo iti Internet. No naikonektarmon ti Apple TV, surotem dagiti instruksion iti iskrin.

Mapanka iti App Store, sa i-install-mo ti JW Broadcasting babaen ti panangsurotmo kadagitoy:

• I-swipe-mo nga Agpakannawan ti Touch surface ti Siri Remote-mo agingga a mapilim ti Search.

• Talmegam ti Touch surface tapno maluktam ti Search, sa i-type-mo ti “JW Broadcasting” iti agparang a keyboard.

• Wenno talmegam iti nabayag ti Siri button sa ibagam ti “JW Broadcasting.”

• Piliem ti app sa talmegam ti Touch surface.

Surotem dagiti instruksion iti iskrin tapno mai-install-mo ti app.