1. Guð í sinni gæsku býður:

„Gangið mína kærleiksslóð.“

Þegar Guð og aðra elskum

örlát erum við og góð.

Hér er fólginn lífsins lykill,

lífsins sem við stefnum að.

Kærleikur sem Kristur sýndi

kennir okkur sérhvern dag.

2. Kærleikurinn knýr til verka,

hvetur okkur sannleiksást.

Þó við bregðumst bregst hann aldrei,

brátt mun dugur okkar sjást.

Kærleikur ei öfund elur,

öllu trúir, allt umber.

Bróðurelsku okkar aukum,

einingu hún ber með sér.

3. Gremju skaltu aldrei ala,

ekki fóstra reiði þá.

Lít til Guðs sem leiðsögn gefur,

letra lög hans hjartað á.

Þú skalt menn og þinn Guð elska,

það er inntak kærleikans.

Ávallt sýnum öðrum elsku,

erum þá börn sannleikans.