Nèk nduwé kanca, awaké dhéwé isa bahagia. Terus nèk nduwé kanca sing apik, kuwi isa mbantu awaké dhéwé dadi wong sing luwih apik.​—Wulang Bebasan 27:17.

 Ing Alkitab disebutké nèk awaké dhéwé kudu ngati-ati wektu milih kanca. Nèk milih kanca sing ora apik, awaké dhéwé isa waé dadi mèlu-mèlu kelakuané lan sipaté sing ora apik.​—Wulang Bebasan 13:20; 1 Korintus 15:33.

Ing artikel iki bakal dibahas:

•  Kanca sing apik kuwi sing kaya apa?

•  Conto wong-wong sing dadi sahabat

•  Apa awaké dhéwé isa dadi kancané Gusti Allah?

•  Ayat-ayat ing Alkitab soal kanca

 Menurut Alkitab, kanca sing apik kuwi ora merga hobiné padha. Misalé ing Mazmur 119:63 disebutké, ”Aku kekancan karo wong sing wedi marang Njenengan a lan sing manut karo peraturan-Mu.” Sing nulis mazmur milih kanca sing padha-padha nglayani Gusti Allah lan manut pathokané Gusti Allah.

 Kanca sing apik kuwi sipaté piyé?

•   ”Kanca sejati kuwi terus nresnani lan dadi sedulur sing isa diendelké wektu ana kesusahan.”​—Wulang Bebasan 17:17.

•   ”Ana wong sing nggawé kancané cilaka, ning ana kanca sing luwih akrab timbang sedulur kandhung.”​—Wulang Bebasan 18:24.

 Menurut ayat-ayat mau, kanca sing apik kuwi apikan, murah hati, setya, lan bener-bener nresnani kancané. Kanca sing apik bakal terus ndhukung lan wani ngandhani wektu kancané salah.​—Wulang Bebasan 27:6, 9.

 Ing Alkitab disebutké wong-wong sing dadi sahabat meskipun béda umuré, budayané, lan kedudukané. Misalé:

•   Rut karo Naomi. Rut kuwi mantuné Naomi, dadi umuré mesthi béda adoh. Apa manèh latar belakangé meréka béda. Tapi, meréka isa dadi sahabat.​—Rut 1:16.

•   Daud karo Yonatan. Yonatan umuré 30 taun luwih tuwa timbang Daud, tapi meréka ”dadi sahabat sing akrab”.​—1 Samuèl 18:1.

•   Yésus karo para rasulé. Yésus kuwi guru, dadi kedudukané luwih dhuwur ketimbang rasul-rasulé. (Yohanes 13:13) Tapi Yésus akrab banget karo rasul-rasulé, khususé sing gelem manut dhèwèké. Yésus ngomong, ”Aku nyebut kowé sahabat merga kowé wis tak kandhani kabèh sing wis tak rungokké saka Bapakku.”​—Yohanes 15:14, 15.

 Isa. Menurut Alkitab, ”Dhèwèké akrab karo wong sing bener.” (Wulang Bebasan 3:32) Kuwi artiné Gusti Allah gelem kekancan karo sing tingkah lakuné bener, jujur, lan manut karo pathokan-pathokané Gusti Allah. Misalé, ing Alkitab Abraham kuwi disebut sahabaté Gusti Allah.​—2 Babad 20:7; Yésaya 41:8; Yakobus 2:23.