Mazmur 118:1-29
118 Ucapna syukur marang Yéhuwah merga Dhèwèké apikan.+
Katresnané* ana saklawasé.
2 Muga-muga bangsa Israèl ngomong,”Katresnané* ana saklawasé.”
3 Muga-muga keturunané Harun ngomong,”Katresnané* ana saklawasé.”
4 Muga-muga wong-wong sing wedi marang* Yéhuwah ngomong,”Katresnané* ana saklawasé.”
5 Aku ndonga marang Yah* pas aku susah.
Yah njawab lan nggawa aku ing panggonan sing aman.*+
6 Yéhuwah ndhukung aku. Aku ora bakal wedi.+
Manungsa isa tumindak apa marang aku?+
7 Yéhuwah ndhukung lan nulungi aku.*+
Aku bakal ndelok wong-wong sing sengit karo aku dikalahké.+
8 Mendhing berlindung marang YéhuwahTimbang percaya marang manungsa.+
9 Mendhing berlindung marang YéhuwahTimbang percaya marang para pemimpin.+
10 Kabèh bangsa ngepung aku.
Ning, nganggo jenengé Yéhuwah,Wong-wong kuwi tak usir.+
11 Wong-wong kuwi ngepung aku. Aku bener-bener dikepung,Ning, nganggo jenengé Yéhuwah,Wong-wong kuwi tak usir.
12 Wong-wong kuwi ngepung aku kaya tawon.
Ning, wong-wong kuwi langsung dipatèni kaya semak berduri sing cepet banget kobong.
Nganggo jenengé Yéhuwah,Wong-wong kuwi tak usir.+
13 Aku kaya dijorogké* bèn tiba,Tapi Yéhuwah nulungi aku.
14 Yah kuwi kekuwatanku lan sing nglindhungi aku.
Dhèwèké sing nylametké aku.+
15 Ing perkémahané wong sing bener,Wong-wong padha sorak-sorak lan ngrasa seneng merga wis dislametké.*
Tangan tengené Yéhuwah nduduhké kekuwatané.+
16 Yéhuwah ngangkat tangan tengené.
Tangan tengené Yéhuwah nduduhké kekuwatané.+
17 Aku ora bakal mati. Aku bakal terus uripBèn aku isa nyritakké sing ditindakké Yah.+
18 Yah mènèhi hukuman sing abot marang aku,+Ning Dhèwèké ora ninggalké aku bèn aku mati.+
19 Bukaken gerbang sing diliwati wong sing bener.+
Aku bakal mlebu liwat kono lan muji Yah.
20 Iki gerbangé Yéhuwah.
Wong sing bener bakal mlebu liwat kono.+
21 Aku bakal muji Njenengan merga Njenengan njawab aku+Lan nylametké aku.
22 Watu sing ditolak tukang bangunanWis dadi watu sing utama.*+
23 Kuwi asalé saka Yéhuwah.+
Kuwi apik banget kanggoné awaké dhéwé.+
24 Iki dina sing wis ditentokké Yéhuwah.
Dina iki awaké dhéwé bakal ngrasa seneng lan bahagia.
25 Oh Yéhuwah, tulung slametna aku.
Oh Yéhuwah, tulung bantu aku bèn menang.
26 Muga-muga sing teka nganggo jenengé Yéhuwah diberkahi.+
Saka omahé Yéhuwah, aku njaluk bèn Gusti Allah mberkahi kowé.
27 Yéhuwah kuwi Gusti Allah.
Dhèwèké sing mènèhi awaké dhéwé cahaya.+
Ayo mèlu ngrayakké perayaan karo nggawa cabang-cabangé wit,+Lan mlaku tekan cedhaké sungu-sunguné mézbah.+
28 Njenengan kuwi Gusti Allahku, aku bakal muji Njenengan.
Oh Gusti Allahku, aku bakal ngluhurké Njenengan.+
29 Ucapna syukur marang Yéhuwah+ merga Dhèwèké apikan.
Katresnané* ana saklawasé.+
Katrangan Tambahan
^ Utawa ”Katresnané sing langgeng”. Deloken Daftar Istilah.
^ Utawa ”Katresnané sing langgeng”. Deloken Daftar Istilah.
^ Utawa ”Katresnané sing langgeng”. Deloken Daftar Istilah.
^ Deloken Daftar Istilah.
^ Utawa ”Katresnané sing langgeng”. Deloken Daftar Istilah.
^ ”Yah” kuwi singkatan saka jeneng Yéhuwah.
^ Utawa ”sing jembar”.
^ Utawa mungkin ”ndhukung aku bareng karo wong-wong sing nulungi aku”.
^ Utawa mungkin ”Njenengan njorogké aku”.
^ Utawa ”menang”.
^ Deloken ”Watu Pojokan” ing Daftar Istilah.
^ Utawa ”Katresnané sing langgeng”. Deloken Daftar Istilah.
