Mazmur 143:1-12
Lagu sing digawé Daud.
143 Oh Yéhuwah, rungokna dongaku.+
Rungokna wektu aku njaluk tulung.
Tulung jawab aku merga Njenengan adil lan setya.
2 Aku iki abdi-Mu. Aja ngadili akuMerga ora ana wong sing ora nduwé salah ing ngarep-Mu.+
3 Mungsuhku ngoyak* aku.
Dhèwèké nindhes lan ngalahké aku.
Dhèwèké nggawé aku dadi kaya wong sing wis suwé mati, sing ana ing panggonan sing peteng.
4 Aku ora nduwé semangat manèh.+
Aku blas ora nduwé kekuwatan.+
5 Aku kèlingan jaman mbiyèn.
Aku mikirké tenanan kabèh kegiatan-Mu.+
Aku mikirké* kabèh tumindak-Mu.
6 Aku ndonga marang Njenengan karo ngangkat tanganku.
Aku kaya tanah gersang sing ngentèni mbok sirami.+ (Sela)
7 Oh Yéhuwah, tulung jawab aku.+
Kekuwatanku wis mèh entèk.+
Aja ninggalké aku,*+Bèn aku ora dadi kaya wong sing wis mati.+
8 Pas ésuk, aku péngin ngrasakké katresnan-Mu*Merga aku percaya karo Njenengan.
Duduhna dalan sing kudu tak liwati+Merga aku ndonga njaluk tuntunan-Mu.
9 Oh Yéhuwah, tulung slametna aku saka mungsuhku.
Aku nggolèk perlindungan marang Njenengan.+
10 Tulung ajari aku bèn isa nindakké sing mbok péngini,+Merga Njenengan kuwi Gusti Allahku.
Njenengan kuwi apikan.
Muga-muga roh suci-Mu nuntun aku bèn aku ora kena bahaya lan ora ngalami kesusahan.*
11 Oh Yéhuwah, demi jeneng-Mu, tulung lindhungi aku bèn aku ora mati.
Tulung bébaské aku saka kesusahan merga Njenengan adil.+
12 Merga Njenengan sayang* karo aku, tulung mungsuhku dipatèni.+
Tulung singkirké kabèh sing nindhes aku,+Merga aku iki abdi-Mu.+
Katrangan Tambahan
^ Utawa ”nguber”.
^ Utawa ”sinau”.
^ Lit.: ”Aja ndhelikké wajah-Mu saka aku”.
^ Utawa ”katresnan-Mu sing langgeng”. Deloken Daftar Istilah.
^ Utawa ”nuntun aku ing tanahé wong bener”.
^ Utawa ”nduduhké katresnan sing langgeng”. Deloken Daftar Istilah.
