Mazmur 42:1-11
Kanggo pemimpin musik. Maskil* sing digawé keturunané Korah.+
42 Oh Gusti Allah, aku péngin ngabdi marang Njenengan,Kaya kidang sing péngin ngombé banyu.
2 Kapan aku isa teka lan ngadhep Gusti Allah?+
Oh Gusti Allah,* aku péngin banget kuwi kelakon.+
3 Awan lan bengi aku nangis terus.
Saben dina wong-wong ngécé aku, ”Endi Gusti Allahmu?”+
4 Atiku sedhih banget pas éling jaman mbiyèn,Wektu aku lunga menyang omahé Gusti Allah bareng karo wong akèh.
Aku mlaku alon-alon ing ngarepé wong-wong kuwi.
Kabèh padha ngrayakké perayaan,+Ngucap syukur, lan sorak-sorak.
5 Ngapa kok aku putus asa?+
Ngapa kok aku ora isa tenang?
Aku bakal ngentèni Gusti Allah,+Aku bakal muji Dhèwèké, sing nylametké aku.+
6 Gusti Allahku, aku putus asa.+
Kuwi sebabé aku éling karo Njenengan,+Saka tanah ing Kali Yordan lan puncak-puncak Gunung Hèrmon,Saka Gunung Mizar.*
7 Aku krungu swarané banyu sing nggrojog.
Kuwi swarané banyu grojogan-Mu.
Ombak-Mu sing gedhé kaya masalah sing nggawé aku kewalahan.+
8 Pas awan, Yéhuwah bakal nresnani* aku.
Pas bengi, aku bakal nyanyi soal Dhèwèké lan ndonga marang Gusti Allah sing mènèhi aku urip.+
9 Aku bakal kandha marang Gusti Allah, tebing watuku,”Ngapa Njenengan nglalèkké aku?+
Ngapa aku kudu terus-terusan sedhih merga ditindhes mungsuhku?”+
10 Mungsuh-mungsuhku kejem banget ngécé aku.*
Saben dina wong-wong kuwi ngécé aku, ”Endi Gusti Allahmu?”+
11 Ngapa kok aku putus asa?
Ngapa kok aku ora isa tenang?
Aku bakal ngentèni Gusti Allah,+Aku bakal muji Dhèwèké, Gusti Allahku sing nylametké aku.+
Katrangan Tambahan
^ Deloken Daftar Istilah.
^ Lit.: ”Gusti Allah sing urip”.
^ Utawa ”gunung cilik”.
^ Utawa ”nduduhké katresnan sing langgeng marang”. Deloken Daftar Istilah.
^ Utawa mungkin ”Mungsuh-mungsuhku ngécé aku, kaya ngremuk balung-balungku”.
