ქორწინებას საფუძველი ღმერთმა ჩაუყარა, როცა პირველი მამაკაცი და ქალი შექმნა. ქორწინება განსაკუთრებული კავშირია, რადგან შესაფერის გარემოს ქმნის როგორც წყვილისთვის, ისე მათი შვილებისთვის (დაბადება 1:27, 28; 2:18).

 ღმერთს სურს, დაქორწინებული წყვილები ბედნიერები იყვნენ (იგავები 5:18). ამიტომ ბიბლიის მეშვეობით გვიხსნის, რა არის ამისთვის საჭირო.

ამ სტატიაშია:

•  როგორია ღვთის ნორმები ქორწინებასთან დაკავშირებით?

•  რას ამბობს ბიბლია განცალკევებით ცხოვრებასა და განქორწინებაზე?

•  აუცილებელია ქორწინების რეგისტრაცია?

•  რა პასუხისმგებლობებს აკისრებს ღმერთი როგორც ცოლებს, ისე ქმრებს?

•  ითხოვს ღმერთი დაქორწინებულებისგან შვილების ყოლას?

•  როგორ გვეხმარება ბიბლია, რომ მტკიცე ოჯახი გვქონდეს?

•  ბიბლიური მუხლები ქორწინებაზე

 ღმერთმა თავიდანვე გადაწყვიტა, რომ ქორწინება უნდა ყოფილიყო კავშირი ერთ ქალსა და ერთ კაცს შორის (დაბადება 2:24). მისთვის მიუღებელია პოლიგამია, ჰომოსექსუალური ურთიერთობა და რეგისტრაციის გარეშე წყვილის ერთად ცხოვრება (1 კორინთელები 6:9; 1 თესალონიკელები 4:3). თავის მიმდევრებს იესომ მოუწოდა, რომ ქორწინებასთან დაკავშირებით ღვთის თავდაპირველი ნორმა გაეთვალისწინებინათ (მარკოზი 10:6—8).

 ღვთისთვის ქორწინება მუდმივი კავშირია. ქორწინების დროს ქალიც და კაციც აღთქმას დებს, რომ უერთგულებენ ერთმანეთს და სიცოცხლის ბოლომდე ერთმანეთის გვერდით იქნებიან. ღმერთი მოელის, რომ ისინი შეასრულებენ აღთქმულს (მარკოზი 10:9).

 შესაძლოა დროდადრო ცოლ-ქმარს მოუწიოს ცალ-ცალკე ყოფნა, მაგალითად, როცა ერთ-ერთი მეუღლე ვალდებულია, სასწრაფოდ გაემგზავროს ოჯახის წევრების დასახმარებლად. თუმცა, თუ წყვილი ერთმანეთში ვერ რიგდება და ამიტომ უნდათ განცალკევებით ცხოვრება, ღვთისთვის ეს მიუღებელი იქნება. ბიბლია მოუწოდებს ცოლ-ქმარს, რომ ყველანაირად ეცადონ, მოაგვარონ უთანხმოებები (1 კორინთელები 7:10).

 განქორწინების ერთადერთი ბიბლიური საფუძველი ღალატია (მათე 19:9). შესაბამისად, თუ ღალატს არ ჰქონია ადგილი და ცოლ-ქმარი მაინც გადაწყვეტს განცალკევებით ცხოვრებას ან გაყრას, ბიბლიის თანახმად, მათ არ ექნებათ უფლება, ვინმესთან ურთიერთობა დაიწყონ ან დაქორწინდნენ (მათე 5:32; 1 კორინთელები 7:11).

 ღმერთი მოელის ქრისტიანებისგან, რომ დაემორჩილებიან ქორწინებასთან დაკავშირებულ სახელმწიფო კანონებს (ტიტე 3:1). იქ, სადაც სახელმწიფო ამის საშუალებას იძლევა, წყვილმა უნდა დაარეგისტრიროს ქორწინება. ასეთი სახით ისინი ხელისუფლებისადმი მორჩილებასაც ავლენენ და ღვთისადმი პატივისცემასაც იჩენენ, რომლის თვალშიც ქორწინება მუდმივი კავშირია. a

•   წყვილის პასუხისმგებლობა. ცოლ-ქმარი ერთმანეთს პატივისცემითა და სიყვარულით უნდა მოეპყროს (ეფესოელები 5:33). მათ უნდა იზრუნონ ერთმანეთის სექსუალური მოთხოვნილებების დაკმაყოფილებაზე და მოერიდონ ნებისმიერი სახის ორგულობას (1 კორინთელები 7:3; ებრაელები 13:4). თუ მათ შვილები ჰყავთ, მათი აღზრდის პასუხისმგებლობაც ორივემ უნდა გაინაწილოს (იგავები 6:20).

   ბიბლიაში დაწვრილებით არაა იმაზე საუბარი, თუ როგორ გაინაწილებს წყვილი სახლის საქმეებს ან ოჯახის სარჩენად ორივე იმუშავებს თუ მხოლოდ ერთი. ასეთი საკითხები თავად წყვილის გადასაწყვეტია.

•   ქმრის პასუხისმგებლობა. ბიბლიაში ნათქვამია, რომ „ქმარი ცოლის თავია“ (ეფესოელები 5:23). ეს იმას ნიშნავს, რომ მან უნდა გაუწიოს ოჯახს ხელმძღვანელობა და ისეთი გადაწყვეტილებები მიიღოს, რომლებიც ცოლ-შვილისთვის სასიკეთო აღმოჩნდება.

   ის ყველანაირად უნდა ეცადოს, იზრუნოს მათ ფიზიკურ, ემოციურ და სულიერ მოთხოვნილებებზე (1 ტიმოთე 5:8). ქმარი უნდა აფასებდეს მეუღლეს და გადაწყვეტილებების მიღების დროს ითვალისწინებდეს მის შეხედულებებსა და გრძნობებს (იგავები 31:11, 28). ბიბლიიდან იმასაც ვიგებთ, რომ ქმარს უნდა უყვარდეს ცოლი და უხეშად არ უნდა მოექცეს მას (კოლოსელები 3:19).

•   ცოლის პასუხისმგებლობა. ბიბლიაში ნათქვამია, რომ „ცოლი დიდ პატივს უნდა სცემდეს ქმარს“ (ეფესოელები 5:33). ღმერთს სიამოვნებს, როცა ხედავს, რომ ცოლი ღირსეულად ასრულებს თავის პასუხისმგებლობას ქმრის წინაშე.

   ცოლის პასუხისმგებლობაა, მხარში ამოუდგეს ქმარს, დაეხმაროს გადაწყვეტილებების მიღების დროს და მხარი დაუჭიროს როგორც ოჯახის მეთაურს (დაბადება 2:18). ბიბლია დადებით შუქში წარმოაჩენს ცოლს, რომელიც ღირსეულად ასრულებს თავის როლს ოჯახში (იგავები 31:10).

 არა. მართალია, წარსულში ღმერთმა ზოგ თავის თაყვანისმცემელს მითითება მისცა, რომ შვილები გაეჩინათ, მაგრამ ეს მითითება ქრისტიანებზე არ ვრცელდება (დაბადება 1:28; 9:1). იესოს არ უთქვამს, რომ მის მიმდევრებს შვილები უნდა ჰყავდეთ. მსგავსი მითითება არც პირველ საუკუნეში მცხოვრებ იესოს სხვა მოწაფეებს მიუციათ წყვილებისთვის. ცოლ-ქმარმა თავად უნდა გადაწყვიტოს, იყოლიებენ თუ არა შვილებს.

 ბიბლიური პრინციპები ეხმარება წყვილებს, განამტკიცონ ოჯახური კვანძები და მოაგვარონ პრობლემები ან ზოგიერთი საერთოდ აირიდონ თავიდან.

 ბიბლიური პრინციპები ცოლ-ქმარს დაეხმარება,..

•   გამოავლინონ ნამდვილი სიყვარული (1 კორინთელები 13:4—7; კოლოსელები 3:14).

•   მოაგვარონ უთანხმოებები (1 კორინთელები 10:24).

•   იყვნენ კარგი მსმენელები (იაკობი 1:19).

•   გამოავლინონ პატივისცემა (რომაელები 12:10).

•   აპატიონ ერთმანეთს (1 პეტრე 4:8).

•   იყვნენ ერთმანეთის ერთგულნი (მარკოზი 10:9).

•   იყვნენ მომთმენები (ეფესოელები 4:2, 3).

•   იყვნენ ერთ გუნდად შეკრულნი (ეკლესიასტე 4:9).

•   ჰქონდეთ მტკიცე ქორწინება (ქებათა ქება 8:7).