Meyyez ɣef liḥala-​yagi: M’ara tmuqel Linda iman-​is di lemri, teţwali ala tassemt. Di teswiɛt ideg iqriben-​is ţwalin-​ţ “ţ-​ţarqaqt mliḥ”, neţţat teqqar-​as: “Ilaq ad ḍeɛfeɣ cwiyya.” a

Deg wussan iɛeddan, Linda txemmem ɣer yiwen n lḥel iweɛṛen: aţ-​ţexdem lmuḥal bac aţ-​ţessenqes “zuǧ kilu kan.” Teqsed aţ-​ţeqqim kra n wussan mebla lmakla...

Ma yella tqesdeḍ aţ-​ţɛandeḍ Linda, acu ara txedmeḍ?

Mačči d lexsaṛa ma yetqelleq walbeɛḍ ɣef lǧeţţa-​s (ṣṣura-​s). Adlis Iqedsen s yiman-​is ihdeṛ-​ed ɣef ccbaḥa n waṭas n yergazen ţ-​ţlawin, am Ṣara, Ṛaḥil, Abigayil, Yusef d Dawed. Yenna-​d ula ɣef yiwet n tlemẓit yeţţusemman Abicag belli “tecbeḥ aṭas.”​—1 Igelliden 1:4.

Si tama nniḍen, xilla n yelmeẓyen i tessleb lǧeţţa-​nsen. Ayagi yezmer a sen-​d-​yawi lemḍerra. Atentah kra n liḥalat iɣef i tzemreḍ aţ-​ţxemmeḍ:

• Ger tullas (teqcicin) i steqsan deg yiwen n lbeḥt, 58 % qqarent-​as belli ţ-​ţibelbulin i llant. Di tin n ṣṣeḥ, ḥaca 17 % i gellan akken.

• Deg yiwen n lbeḥt nniḍen, 45 % si tlawin i gɣilen iman-​nsent zurit, nutenti ţ-​ţirqaqin mliḥ.

• Seg wakken ţnadin ad ḍeɛfen, kra ţţafen-​d iman-​nsen deg yiwen n lehlak iweɛṛen i ten-​yeţdemmiren ad ssenqsen lmakla alamma qqimen i laẓ.

 Ma llant deg-​m kra n limaṛat i d-​iţbegginen belli tesɛiḍ lehlak-​agi, neɣ lehlak nniḍen icudden ɣer lmakla, ḍleb lemɛawna. Hdeṛ di tazwara i walbeɛḍ seg imawlan-​im neɣ i yiwen wemdan nniḍen ameqran iɣef i tţekleḍ. Adlis Iqedsen yeqqar-​ed: “Aḥbib iḥemmel di mkul lweqt; atmaten llan i lweqt n ccedda.”​—Lemtul 17:17.

Di tin n ṣṣeḥ, d ayen yellan deg wul i d-​isbegginen ma yecbeḥ walbeɛḍ neɣ ala. Xemmem ɣef lemtel n Abcalum, mmi-​s n Dawed. Adlis Iqedsen yeqqar-​ed:

“Ulac argaz icebḥen am Abcalum [...], ulac deg-​s lɛib.”​—2 Camwil 14:25.

Ɣas akken, ilemẓi-​yagi yella yeččuṛ d zzux, d ṭṭmeɛ akk-​d lexdeɛ! Daymi ur d-​yenni ara fell-​as Wedlis Iqedsen ayen yelhan; yeţweṣṣif-​it-​id d axeddaɛ ameqran yeččuṛen d ddɣel.

Yelha ihi imi i ɣ-​d-​yefka Wedlis Iqedsen lewṣayat-​agi:

“Lset ccexṣiyya tajdiṭ.”​—Ikulusiyen 3:10, Ṭrejma n ddunit tajdiṭ, s tṛumit.

“Ccbaḥa-​nkwent ur teţţili ara sufella [...], lameɛna ţ-​ţin yeffren deg wul.”​—1 Buṭrus 3:3, 4.

Ihi, ɣas ma yella mačči d ayen n diri ma tebɣiḍ aţ-​ţcebḥeḍ, d ccexṣiyya-​inem i gesɛan lqima akteṛ n ṣṣifa-​m. Ɣer taggara, d ṣṣifat-​inem n ṛṛuḥ ara kem-​yerren tcebḥeḍ akteṛ, mačči d lqedd-​im neɣ d ccbaḥa n lǧeţţa-​m! Yiwet n teqcict tenna-​d imeslayen-​a: “Ccbaḥa tjebbed-​ed bihfih tamuɣli. Meɛna d ṣṣifat-​inem d wayen yellan deg wul-​im iɣef ara cfun medden.”

Tezgiḍ teţsetḥiḍ s lǧeţţa-​m?

Teţxemmimeḍ tikwal aţ-​ţxedmeḍ abaṛasyun n ucebbeḥ neɣ aţ-​ţeǧǧeḍ iman-​im i laẓ bac aţ-​ţwennɛeḍ lǧeţţa-​inem?

Lukan i tzemreḍ, d acu ara tbeddleḍ di lǧeţţa-​inem? (Xtiṛ leǧwabat i m-​yehwan.)

• TEƔZI

• LMIZAN

• ACEBBUB

• TERQEQ NEƔ TUZERT

• UDEM

• TEBREK NEƔ TEMLEL

Ma tenniḍ-​d ih ɣef sin yesteqsiyen imezwura terniḍ textaṛeḍ tlata n leǧwabat neɣ kteṛ ɣef westeqsi wis tlata, xemmem ɣer wayagi: Yezmer lḥal wid i m-​d-​yezzin ur kem-​ţwalin ara tcemteḍ akken i teţwaliḍ iman-​im kemm. Yeshel mliḥ i wemdan ad yiwɛiṛ d yiman-​is w’ad yeţḥebbiṛ ɣef lǧeţţa-​ines akteṛ n wayen ilezmen.​—1 Camwil 16:7.