Masha law law a matu, amyu baw sang yawng maren mara byin na matu gaw yup mang daram sha re.

•    “Mungkan a shara shagu hta, amyu ginhka ai myit a majaw shinggyim uhpung ni, shingdu labau hte tsang madang n bung ai ni, yu maya masha ni a prat hpe grai hkra machyi shangun nga ai. N tara ai hku kanawn mazum ai lam ni byin shangun ai.”—UN A Ninggawn Amu Madu Kaba, Antoniyu Gutaret.

 Amyu baw sang yawng maren mara byin mai na kun? Chyum Laika hta hpa tsun da ai kun?

 N bung ai amyu baw sang yawng kaw na masha ni hpe, Karai Kasang gara hku mu mada ai lam Chyum Laika hta tsun da ai.

•    “[Karai Kasang gaw] dinghta ga e nga pra na matu, masha amyu danghta hpe daju langai hte sha hpan tawn da.”—Kasa 17:26.

•    “Karai Kasang masha myi man n tau ai, . . . amyu baw shagu hta shi hpe hkrit hkungga ai hte ding man ai amu galaw ai wa gaw, shi kaw myi man pa nga ai.”—Kasa 10:34, 35.

 Shinggyim masha yawng gaw dinghku langai sha rai nna, amyu baw sang yawng kaw na masha ni hpe Karai Kasang hkap la ai lam Chyum Laika hta tsun da ai.

 Sumsing asuya re ai Karai Kasang a Mungdan gaw, dai hku byin hkra galaw ya na re. Masha shada da jaw ai hku kanawn mazum chye hkra sharin ya na. Amyu ginhka ai myit hpe tawt lai lu hkra mung sharin la lu na re.

•    “Mungkan ga na ni gaw ding hpring ai lam sharin la ma ai.”—Esaia 26:9.

•    “Ding hpring ai gaw, ngwi pyaw ai shabyin na ra ai: ding hpring ai a akyu gaw, htani htana ngwi pyaw ai hte myit maju jung ai, tai na ra ai.”—Esaia 32:17.

 Dai ni aten hta, wan hku law ai masha ni gaw shada da hkungga lara kanawn mazum chye hkra, Chyum Laika kaw na sharin la nga ai.

•    Grau chye mayu yang, Dum Hprang! magazin ga baw “Nju N Dawng Ai Lam N Nga Ai Aten Du Wa Na Kun?” (Myen) hpe hti u.

•    Ndai lam hpe nta hta kanu kawa ni gara hku bawngban mai ai lam chye lu na matu, “Amyu Ginhka Ai Myit Hte Seng Nna Ma Ni Hpe Tsun Dan” (Myen) ngu ai sumhpa hpe hti u.