N galai shai ai. Anhte a makam masham gaw Chyum Laika hte shai nga yang, tinang a makam masham hpe sha bai galai shai ai.

 Mungkan Nnan Ga Gale Chyum Laika hpe 1950 hta shapraw ai. Dai hku n shapraw shi yang, aten law law kaw nna, Chyum Laika hpe anhte atsawm sha san jep ai lam ni galaw wa ai. Lu mai ai gara ga gale Chyum raitim, hti yu nna anhte a makam masham hpe Chyum Laika hku gawgap wa ai. Yehowa Sakse ni shaning law law kamsham wa ai makam masham nkau mi hpe hti yu nna, dai makam masham ni gaw Chyum Laika hku hkan n hkan hpe nang nan daw dan yu u.

1.   Anhte Kamsham Ai Lam: Karai Kasang gaw masum raitim langai Karai n re. 1882, July shata shapraw ai Ziun Sin Langchyi hta ndai hku tsun da ai: “Yehowa, Yesu hte chyoi pra ai Wenyi hpe anhte kamsham ai. Raitim, Chyum Laika hta tsep kawp n lawm ai Karai masum pawng yang Karai langai shing nrai, Karai langai hta marai masum nga ai, ngu ai hpe gaw anhte ni n hkap la ai hpe laika hti ai ni chye ma ai.”

     Chyum Laika Tsun Ai Lam: “Anhte a Karai Kasang Yehowa gaw, shi chyu sha Yehowa rai nga ai.” (Tara Jahprang 6:4) “Anhte a matu mara, Wa ngu ai, Karai Kasang langai sha rai nga ai rai nna, shi kaw nna yawng mayawng pru wa ai hte, shi a matu anhte rai nga ga ai; Yesu Hkristu ngu ai Madu mung langai sha rai nga ai rai nna, shi a marang e yawng mayawng rai nga ai hte, shi a majaw anhte rai nga ga ai.” (1 Korinhtu 8:6) Yesu shi nan mung ndai hku tsun wa ai: “Wa gaw ngai hta grau kaba nga ai.”​​—Yawhan 14:28.

2.   Anhte Kamsham Ai Lam: Htani htana zinri ai shara re ai ngarai n nga ai. 1882, June shata shapraw ai Ziun Sin Langchyi hta King James Version Chyum Laika kaw nna Roma 6:​23 hpe lakap nna, “Yubak a shabrai gaw si ai re” ngu ai sumhpa hta ndai hku ka da ai: “Ndai ga yan gaw grai chye na loi nna asan sha ka da ai. Raitim, Chyum Laika hpe Karai a Mungga ngu hkap la ai masha ni gaw, dai tengman ai tara hte n htang shai ai yubak a shabrai gaw ngarai hta htani htana zinri ai re, ngu Chyum Laika sharin ya ai nga nna tsun nga ai gaw grai mau hpa re.”

     Chyum Laika Tsun Ai Lam: “Yubak galaw ai wa chyawm gaw si na ra ai.” (Ezekela 18:​4, 20, JCLB) Karai Kasang a ga n madat ai ni a matu hpang jahtum ari jaw ai lam gaw, htani htana zinri hkrum ai n re ai sha “htani htana jahten shabyak” ai hku nna ari jaw hkrum ai re.​​—2 Htesaloni 1:9, 10 JCLB.

3.   Anhte Kamsham Ai Lam: Karai Kasang A Mungdan ngu ai gaw teng sha nga ai asuya langai re, myit masin kata hta sha nga ai n re. 1881, December shata Ziun Sin Langchyi hta Karai Kasang a Mungdan hte seng nna ndai hku ka da ai: “Karai Kasang A Mungdan gawde ai a yaw shada lam gaw, mungkan hta nga ai asuya ni yawng hpe yeng seng kau na matu mung lawm ai.”

     Chyum Laika Tsun Ai Lam: “Ndai mung du ni uphkang ai aten hta, sumsing lamu a Karai Kasang gaw galoi mung htum ngu n nga ai mungdan langai de da na ra ai. Dai gaw galoi mung ka-up la hkrum na ra ai n rai, rai ti mung dai gaw ndai hkawseng mungdan ni yawng hpe tsep kawp shamyit kau ai hpang e sha htani htana agrin nga na ra ai”​​—Daniela 2:​44, JCLB.

 N re ai. Anhte a hkaw tsun bungli hta ga gale Chyum amyu myu hpe akyu jashawn ai. Mungkan ting Chyum Laika hkaja ai lamang hta Mungkan Nnan Ga Gale Chyum Laika hpe manu jahpu n hpyi ai sha garan jaw ya tim, kaga ga gale Chyum ni hpe grau ra sharawng ai ni hte mung Chyum Laika arau hkaja nga ai.