MŨVANGO WA KWĨMANYĨSYA MBIVILIA NA MWALIMŨ
Tanĩa Thayũ Tene na Tene!
Mũvangonĩ ũũ wa kwĩmanyĩsya Mbivilia kwa nzĩa ya ũneenanyʼa vate ndĩvi, nũũkwata mosũngĩo ma makũlyo ta:
Ndonya kwĩka ata nĩkale nĩ mũtanu?
Wʼo ũthũku na mathĩna ikathela?
Yo ngesa kwona ĩngĩ endwa makwa ala makwie?
We Ngai nũnthĩnĩkĩaa?
Ndonya kũvoya ata nĩthukĩĩwʼe nĩ Ngai?
Vai Ndĩvi
Mũvango ũũ wʼonthe ũtwaĩĩawʼa vate ndĩvi; o na nũũkwata ĩvuku yĩla ũkatũmĩaa Tanĩa Thayũ Tene na Tene! vate ndĩvi, vamwe na Mbivilia ethĩwa nũũmyenda.
Mũvango Ũkwaĩle
No ũkomanae na mwalimũ waku mwenene kana mũtũmĩĩte simũ kana syĩndũ ingĩ ta isu, saa ila ũkwenda na wĩ vala ũkwona vaĩle.
Nue Ũkwĩtwʼĩĩa
No ũeke kwĩmanyĩsya woona waĩle kũeka. Ndwĩ mwove.
Mũvango ũũ witũ wa kwĩmanyĩsya Mbivilia ũtwaĩĩawʼa ata?
Mwalimũ waku akaũtetheeasya kũmanya kĩla Mbivilia ĩmanyĩasya, kĩlungu kũthi kĩngĩ. Mũvango wa kwĩmanyĩsya Mbivilia ũtũmĩĩte ĩvuku Tanĩa Thayũ Tene na Tene! ũkatuma ũmanya o kavola kwa kavola ũvoo ũla wĩ Mbivilianĩ na ũndũ ũtonya kũũtethya. Nĩ kana ũmanye maũndũ maingangĩ, no ũsisye vitio ĩno kana ũkasisya makũlyo amwe makũlawʼa mavinda maingĩ ĩũlũ wa mũvango ũũ.
We nũkwenda kwambĩĩa kwĩmanyĩsya?
Tina vaa ĩtheo nĩ kana wĩvangĩĩe yĩla ũkwambĩĩa kwĩmanyĩsya.