Pamela aĩtye: “Ĩvinda yĩu naiitawa kanza, neew’aa ndikĩa mũno. Ĩndĩ yĩla namũvoya Yeova Ngai, neew’aa nausya na ndieka kwĩmakĩa. O na ũmũnthĩ no nĩthĩawa na kyalya kingĩ, ĩndĩ mboya nĩndetheeasya kwĩthĩwa na woni ũla waĩlĩte. Yĩla andũ mangũlya ũndũ nĩendeee, nĩmeaa, ‘Ndikwĩw’a nesa, ĩndĩ nĩ mũtanu!’ ”

Ti nginya tũkwatwe nĩ ũwau mũthũku kana thĩna mũnene nĩ kana twambĩĩe kũvoya. Ithyonthe nĩtũkomanaa na mathĩna, methĩwe nĩ manene kana nĩ manini, na kwoou nĩtwendaa kũtetheew’a nĩ kana tũmomĩĩsye. Ĩndĩ yo mboya no ĩtũtethye?

Mbivilia yaĩtye atĩĩ: “Mwaũĩe Yeova mũio waku, nake akakũtw’ĩĩka: ndakaeka ala alũngalu mathingithangw’e o na ĩndĩĩ.” (Savuli 55:22) Ndeto isu nitwĩkĩaa vinya mũno. Kwoou mboya ĩtonya kũũtethya ata? Yĩla wamũvoya Ngai kwosana na kwenda kwake, nũkũnengae ũtethyo ũla ũkwenda nĩ kana ũmĩanĩsye na thĩna ũla wĩ naw’o.​—Sisya ĩsandũkũ yĩ na kyongo, “ Ũndũ Mboya Ĩtonya Ũkũtethya.”