Mosũngĩo ma Makũlyo ma Mbivilia
Nĩvatonyeka kũkethĩwa silikalĩ ĩmwe nthĩ yonthe?
Silikalĩ ya nthĩ yonthe ĩtonya kũtuma andũ ma mbaĩ syonthe methĩwa na ngwatanĩo ata? Isaia 32:
Kwasũanĩa ũndũ silikalĩ ĩmwe ĩsumbĩkĩte nthĩ yonthe ĩtonya kũuna andũ. Ũmũnthĩ andũ aingĩ nĩmathĩnaa kumana na ũkya, kĩvathũkany’o na athwii. Ĩndĩ silikalĩ ya nthĩ yonthe ĩkũelewa mavata ma andũ mayo no ĩtonye kũĩkĩĩthya kana nĩyeanĩsya mavata moo. We wĩona silikalĩ ĩseũvĩte ũu ta ĩetwe nĩ andũ?—Soma Yelemia 10:23.
Silikalĩ ya mũndũ nĩyĩemetwe nĩ kwĩanĩsya mavata me kĩvathũkany’o ma andũ, na mũno mũno ma ala ngya. O na silikalĩ imwe nithĩnasya andũ. (Mũtavan’ya 4:1; 8:9) Ĩndĩ, Ngai Mwene Vinya W’onthe nĩwathanĩte silikalĩ ĩla ĩkavetanga silikalĩ isu syonthe. Mũsumbĩ wa silikalĩ ya Ngai akasũvĩa andũ nesa vyũ.—Soma Isaia 11:4; Ndanieli 2:44.
Ũsumbĩ wa Ngai ũkeanĩsya maũndũ meva?
Yeova Ngai nũnyuvĩte Mũsumbĩ ũla waĩle kũsumbĩka nthĩ yonthe, nake nĩ Mwana wake Yesũ. (Luka 1:31-33) Ĩla Yesũ waĩ kũũ nthĩ, nĩwendeeaw’a nĩkũtetheesya andũ. Nũndũ Yesũ nĩ Mũsumbĩ, akaete ngwatanĩo kwa mbaĩ syonthe, na aivetangĩa andũ mathĩna onthe.—Soma Savuli 72:8, 12-14.
Kĩla mũndũ akamwĩtĩkĩla Yesũ ta Mũsumbĩ? Aiee. Ĩndĩ o na vailyĩ ũu, Yeova nũendeee kũmomĩĩsya. (2 Vetelo 3:9) Nũendeee kũnenga andũ mwanya wa kwĩtĩkĩla kana Yesũ nĩwe Mũsumbĩ. O mĩtũkĩ Yesũ akilyĩ anavetanga andũ athũku, aete mũuo, na aiveta mĩisyo ĩũlũ wa nthĩ.—Soma Mika 4:3, 4.
No Wendeewʼe Nĩ Ii
MŨSYAĨĨSYA
Ũsumbĩ wa Ngai nĩ Silikalĩ Ndĩkĩĩku
Maũndũ thanthatũ ala matũĩkĩĩthasya kana Ũsumbĩ wa Ngai ndũkethĩwa na ũlũsani
MOSŨNGĨO MA MAKŨLYO MA MBIVILIA
Ũsumbĩ wa Ngai Ũkeanĩsya Kyaũ?
Ĩmanyĩsye maũndũ ala ũsumbĩ wa Ngai ũkeka wasumbĩka nthĩ.
