Keɣa 108:1-13
Hendu. Daviid keɣa.
108 Ma-laŋɩyɛ kam camɩyɛ, Oo Ɛsɔ,Mankaɣ teu hendu nɛ mama minziiki nɛ ma-laŋɩyɛ kpeekpe.+
2 Fe, Oo cɩmʋʋ wonuu ŋgʋ kɩ-yɔɔ wɛ nimasɩ yɔ; ña ɖɔɖɔ Oo cɩmʋʋ.+
Mankaɣ fezuu tɛbɩyɛ.
3 Oo Yehowa, mankaɣ-ŋ sam samasɩ hɛkʋ taa,Nɛ mankaɣ-ŋ teu samtʋ hendu* ajɛɛ hɛkʋ taa.
4 Mbʋ pʋyɔɔ yɔ ñɔ-sɔɔlɩm siɣsiɣ ñɩmbʋ paɣlaa, pɩkʋyɩ liɣ liɣ ɛzɩ ɛsɔdaa yɔ,+Nɛ ñe-siɣsiɣ wɛtʋ kʋyaa nɛ pɩtalɩ ɖooo ɛsɔdaa.
5 Oo Ɛsɔ, kʋyɩ nɛ pɩkɩlɩ ɛsɔdaa;Ña-samtʋ ɛwɛɛ tɛtʋ kpeekpe yɔɔ.+
6 Ya ɖa-ñʋʋ nɛ ñe-nesi kɩbanzɩ nɛ ŋcosi-m,+Se pɩsa nɛ ña-kʋsɔɔlaa hiɣ ñʋʋ yabʋ.
7 Ɛsɔ yɔɔdɩ e-kele kele wɛtʋ* taa se:
«Mankaɣ mɛyʋʋ, mankaɣ kpaɣʋ Sekɛɛm+ nɛ mɛncɛlɩ man-samaɣ nɛ kɩpɩsɩ ka-ñɩm,Nɛ mankaɣ maɣzʋʋ Sukɔɔtɩ Fɛɛʋ.*+
8 Matɩnɩ Galaadɩ,+ ɛzɩ Manaasee ɖɔɖɔ yɔ,Nɛ Efrayim kɛnɩ ñɩɣtʋ hulaɣ ŋga manpaŋ ma-ñʋʋ taa yɔ;*+Yuuda kɛnɩ ɖaʋ ŋgʋ mañazɩɣna yɔ.+
9 Mowaabʋ kɛnɩ ñanaɣ ŋga ka-taa mɔnkɔʋ lɩm yɔ.+
Mankaɣ lɔʋ ma-naataŋgbaɖɛ Edom yɔɔ.+
Mankaɣ kou wabɩtʋ kogoye Filistii yɔɔ.»+
10 Akaɣ-m wonuu tɛtʋ ɖoŋ ñɩndʋ taa?
Akaɣ-m ɖiyuu nɛ ewoni ɖooo Edom?+
11 Ɛzɩ pɩtɩkɛ ña, Oo Ɛsɔ, ña weyi ŋlɔ-ɖʋ yɔ,Ðɛ-Ɛsɔ, ña weyi ŋŋtasɩɣ tɩŋʋʋ ɖɔ-sɔɔjanaa you taa yɔ?+
12 Sɩnɩ-ɖʋ ɖa-kʋñɔŋ taa,+Mbʋ pʋyɔɔ yɔ ñʋʋ yabʋ mbʋ pɩlɩɣnɩ ɛyaa cɔlɔ yɔ pɩɩwazɩɣ pʋyʋ.+
13 Ɛsɔ kaɣnɩ labʋ nɛ ɖɩkpa ɖoŋ,+Nɛ ɛkaɣ fɛyʋʋ ɖo-koyindinaa.+
Pɩ-tɛɛ tɔm
^ Yaa «mankaɣ-ŋ mabʋ minziiki.»
^ Pɩpɩzɩɣ pɩkɛ, «e-lone kiɖeɖeye.»
^ Yaa «Kɛdɛɛŋa.»
^ Piye piye, «ma-ñʋʋ tilimiye ɖoŋ ñɩnɖɛ.»
