Keɣa 31:1-24
Hendu teyaa ñʋʋdʋ. Daviid hendu.
31 Hayɩ Yehowa, ña manɖʋ kʋyʋʋ.+
Fɛyɛ ɛtaakpa-m kpa.+
Ñe-siɣsiɣ wɛtʋ yɔɔ lɛ, ya ma-ñʋʋ.+
2 Kʋ nɩŋgbaŋʋʋ* nɛ ŋwelisini-m.
Kɔɔ lɛɛ lɛɛ nɛ ŋya ma-ñʋʋ.+
Pɩsɩ pʋʋ ŋgʋ kɩ-tɛɛ manɖʋʋ kʋyʋʋ yɔ,Pɩsɩ lone ɖoŋ ñɩnɖɛ nɖɩ ɖɩyakɩ ma-ñʋʋ yɔ.+
3 Mbʋ pʋyɔɔ yɔ ŋkɛ man-kaaʋ nɛ men-tilimiye ɖoŋ ñɩnɖɛ;+Ña-hɩɖɛ yɔɔ lɛ,+ ŋkaɣ-m ɖiyuu nɛ ŋwɩlɩ-m nʋmɔʋ.+
4 Ŋkaɣ-m lɩzʋʋ piyuu ŋgʋ pañɩbɩ-m mɛsaɣ tɛɛ yɔ kɩ-taa,+Mbʋ pʋyɔɔ yɔ ŋkɛ man-ɖɩjɔzɩyɛ.*+
5 Manɖʋzʋʋ men-fezuu ñe-nesi tɛɛ.+
Oo Yehowa, toovenim tɛ Ɛsɔ,*+ ŋyabɩ ma-ñʋʋ.
6 Manpaɖɩɣ mba paha pa-tɩ falaa sɩʋ kpelisi yɔ, nzɩ sɩɩwazɩɣ pʋyʋ yɔ,Ɛlɛ ma lɛ, Yehowa mantaɣ liu.
7 Ñɔ-sɔɔlɩm siɣsiɣ ñɩmbʋ yɔɔ lɛ, mankaɣ wɛʋ laŋhʋlʋmɩyɛ sɔsɔɖɛ taa,Mbʋ pʋyɔɔ yɔ ŋna man-kʋñɔŋ;+Ŋsɩm men-siziŋ sɔsɔŋ.*
8 Ŋtɩɖʋzɩ-m koyindu nesi tɛɛ,Ɛlɛ ŋyeba nɛ mansɩŋ lone nɖɩ ɖɩ-taa kaɖɛ naɖɩyɛ ɛɛtalɩɣ-m yɔ.*
9 Hayɩ Yehowa, na man-pʋtɔdɩyɛ, mbʋ pʋyɔɔ yɔ mɛwɛ siziŋ taa.
Wɩzasɩ yeba nɛ mɛ-ɛsa ɩɩtasɩɣ naʋ camɩyɛ,+ siyeba nɛ mon-tomnaɣ kpeekpe* ɖɔɖɔ hoo.+
10 Laŋwɛɛkɩyɛ yeba nɛ me-wezuu tɛŋ,+Nɛ mɔla yeba nɛ man-pɩnzɩ tɛŋ.+
Man-kɩwɛɛkɩm yɔɔ lɛ, mon-ɖoŋ wɛɛ nɛ ɛpasɩɣ;Mɔ-mɔɔ pʋkɩ.+
11 Mon-koyindinaa tɩŋa niŋi-m,+Kɔzɩ kɔzɩ mɔn-cɔlɔ ñɩma.
Nɛ mɛ-ɛyɩsɩmaa seɣ-m sɔɔndʋ;Panaɣ-m samaɣ taa lɛ peseɣ-m.+
12 Palɩzɩ-m pa-laŋa* taa nɛ pɔsɔɔ mɔ-yɔɔ, ɛzɩ mansɩbɩ kɩsɩbʋ yɔ;Mɛwɛ ɛzɩ ŋgbɔʋ ŋgʋ kɩyɔkaa yɔ.
13 Ɛyaa yɔɔdɩ mɔ-yɔɔ tɔm kɩdɛkɛdɩtʋ sakɩyɛ nɛ manɩɩ;Sɔɔndʋ sɔsɔtʋ cɔ-m nɛ tɩta.+
Alɩwaatʋ ndʋ pekpeɣliɣ ɛzɩ ɛyʋ kʋɖʋm yɔ se pakaɖɩnɩ-m lɛ,Pɛkpɛyɩɣ mɔ-tɔm se palɩzɩ me-wezuu.*+
14 Ɛlɛ, hayɩ Yehowa, mantaɣ-ŋ liu.+
Mɔyɔɔdaa se: «Ña yɔ mɛ-Ɛsɔ.»+
15 Man-kɩyakɩŋ* wɛ ñe-nesi taa.
Holi-m mon-koyindinaa nɛ mba panazɩɣ-m yɔ pe-nesi tɛɛ.+
16 La nɛ ñɛ-ɛsɩndaa ñandɩ ña-lɩmɖʋyʋ yɔɔ.+
Ya ma-ñʋʋ nɛ ñɔ-sɔɔlɩm siɣsiɣ ñɩmbʋ.
17 Hayɩ Yehowa, fɛyɛ ɛtaakpa-m alɩwaatʋ ndʋ mayaɣ-ŋ yɔ.+
Fɛyɛ ɛkpa kañatʋ tɩnaa;+Posu tamɩyɛ Pɩlaʋ* taa.+
18 Tɛtɛ nɛ ndomee wena acɛtɩɣ yɔ apɩsɩ kaayɔɔdasɩ,+Ndomee wena ayɔɔdʋʋnɩ tɩ kpazʋʋ nɛ akaɖɩɣnɩ siɣsiɣ tʋ yɔ, wena ayɔɔdʋʋnɩ agʋnda nɛ nimtu yɔ.
19 Ña-kɩbandʋ ɖɔ mbʋ suwe!+
Ŋñɔɔzɩ-tʋ nɛ ŋsɩɩ mba peseɣ-ŋ sɔɔndʋ yɔ,+Nɛ ŋwɩlɩ-tʋ mba paɖʋʋ-ŋ kʋyʋʋ yɔ, ɛyaa kpeekpe ɛsɩndaa.+
20 Ŋkaɣ-wɛ mɛsʋʋ ñɛ-ɛsɩndaa mɛsaɣ tɛɛ lone taa+Se mba pataŋ tamasɩ kɩdɛkɛdɩsɩ pɔ-yɔɔ yɔ pataahiɣ-wɛ;Ŋkaɣ-wɛ mɛsʋʋ ña-ɖɩjɔzɩyɛ taaSe ɛyaa kɩdɛkɛdaa itaahiɣ-wɛ.*+
21 Pasa Yehowa,Mbʋ pʋyɔɔ yɔ ɛwɩlɩ-m ɛ-sɔɔlɩm siɣsiɣ ñɩmbʋ wɩlʋʋ mbʋ tɛtʋ ndʋ koyindinaa cɔ-tʋ nɛ pata yɔ tɩ-taa yɔ,+ pɩwɛ piti kpem.+
22 Ɛlɛ ma lɛ, sɔɔndʋ kpa-m nɛ mɔyɔɔdɩ se:
«Mankaɣ tɛŋɩlʋʋ ñɛ-ɛsɩndaa.»+
Ɛlɛ ŋnɩ tenduu mbʋ mentendi-ŋ alɩwaatʋ ndʋ mamabɩ kubusi se ŋsɩnɩ-m yɔ.+
23 Ɩsɔɔlɩ Yehowa, mɩ mba payɩ ɩwɛ siɣsiɣ ɛ-ɛsɩndaa yɔ!+
Yehowa kandɩyɩɣ siɣsiɣ tɩnaa yɔɔ,+Ɛlɛ mba payɩ pakpazɩɣ pa-tɩ yɔ, ɛkpaɣ-wɛ kɩmɩyɛ nɛ ɛsɔzɩ pɩ-yɔɔ.+
24 Mɩ mba payɩ ɩɖaŋ Yehowa yɔ,+Ɩwɛɛ abalɩtʋ, nɛ ɩwɛɛ ɖoŋ.+
Pɩ-tɛɛ tɔm
^ Yaa «Luzi ña-tɩ.»
^ Yaa «mo-lone ɖoŋ ñɩnɖɛ.»
^ Yaa «Ɛsɔ siɣsiɣ tʋ.»
^ Yaa «man-kalɩzaɣ siziŋ.»
^ Yaa «lone nɖɩ ɖɩwalaa yɔ ɖɩ-taa.»
^ Yaa «man-kalɩzaɣ nɛ mo-lotu.»
^ Yaa «pa-lɩmaɣza.»
^ Yaa «man-kalɩzaɣ.»
^ Piye piye, «Ma-alɩwaatʋ.»
^ Yaa «Sewɔɔlɩ,» pʋ-tɔbʋʋ se ɛyaa tɩŋa pɩlaʋ. Cɔnɩ Tɔm pee sɔsɔna tɔbʋʋ lɩzʋʋ.
^ Piye piye, «Se nzʋlʋma you etaahiɣ-wɛ.»
