Keɣa 43:1-5
43 Hayɩ Ɛsɔ, hʋʋ mɔn-tɔm,+Lʋ mɔ-yɔɔ tɔm ndʋ mɛwɛna se pahʋ-m tʋ yɔ tɩ-taa+ nɛ samaɣ ŋga kɛfɛyɩ siɣsiɣ yɔ kataawabɩ-m.
Holi-m ɛyʋ weyi ɛkɛ cɛtɩyʋ nɛ ɛfɛyɩ siɣsiɣ yɔ e-nesi tɛɛ.
2 Mbʋ pʋyɔɔ yɔ ñɛkɛnɩ mɛ-Ɛsɔ, man-ɖɩjɔzɩyɛ.*+
Ɛbɛ yɔɔ ŋlɔ-m?
Ɛbɛ yɔɔ pɩwɛɛ se mon-koyindu ɛnazɩɣ-m nɛ moyotuu laŋwɛɛkɩyɛ taa?+
3 Tiyini ña-ñalɩmɩyɛ nɛ ño-toovenim.+
Tɛtɛ nɛ pɩtɩŋa mbʋ yɔ piɖiyi-m;+Tɛtɛ nɛ piɖiyi-m nɛ piwoni-m ña-pʋʋ kiɖeɖeu yɔɔ nɛ ña-kɩɖanɖʋʋ sɔsɔʋ tɛɛ.+
4 Ðɩnɛ ɛlɛ mankaɣ kɔm Ɛsɔ altaaru cɔlɔ,+Ɛsɔ cɔlɔ, man-taa leleŋ weyi ɛkpaɖaa yɔ ɛ-cɔlɔ.
Oo Ɛsɔ, mɛ-Ɛsɔ, mankaɣ mabʋ cɩmʋʋ nɛ mansamnɩ-ŋ.+
5 Ɛbɛ yɔɔ mɔlɔ* lidaʋ?
Ɛbɛ yɔɔ pisidi-m* mbʋ?
Mankaɣ ɖaŋʋʋ Ɛsɔ,+Mbʋ pʋyɔɔ yɔ mankaɣ-ɩ tasʋʋ sam, ɛnʋ lɛ ma-Ñʋʋ Yaɖʋ Sɔsɔ nɛ mɛ-Ɛsɔ.+
