Keɣa 7:1-17
-
Yehowa kɛ Tɔm Hʋyʋ siɣsiɣ tʋ
-
«Hayɩ Yehowa, hʋʋ mɔn-tɔm» (8)
-
Kʋñɔwiye hendu ndʋ Daviid te Yehowa yɔ; Bɛnjamɛɛ tʋ Kuusi tɔm yɔɔ ete-tʋ.
7 Hayɩ mɛ-Ɛsɔ Yehowa, ña manɖʋ kʋyʋʋ.+
Holi-m mba payɩ panazɩɣ-m yɔ pe-nesi tɛɛ nɛ ŋya ma-ñʋʋ.+
2 Pɩtɩkɛ mbʋ yɔ, pakaɣ-m cɩyʋʋ* nanʋʋ nanʋʋ ɛzɩ mʋʋzʋʋ cɩyʋʋ ɛyʋ yɔ+Nɛ pakpaɣ-m nɛ pɛɖɛna nɛ nɔɔyʋ ɛɛyakɩ ma-ñʋʋ.
3 Hayɩ mɛ-Ɛsɔ Yehowa, ye pɩyʋsɩnɩ-m pʋnɛ pɩ-taa yɔ,Ye malabɩ mbʋ pɩfɛyɩ siɣsiɣ yɔ,
4 Ye malabɩ kɩdɛkɛdɩm weyi ɛlakɩ-m kɩbandʋ yɔ,+Yaa ye menkpizi mon-koyindu nesi tɛɛ ŋgʋ ɛtɩla nabʋyʋ yɔ,*
5 Ðɩnɛ ɛlɛ, koyindu nɔɔyʋ ɛɖʋ ma-wayɩ* nɛ ehiɣ-m;Ehu-m tataa nɛ ɛfɛyɩ-m*Nɛ eyele nɛ samtʋ ndʋ pahaɣ-m yɔ tɩtɛŋɩlɩ puuyuu taa. (Sɛɛla)
6 Hayɩ Yehowa, kʋyɩ ña-pana taa;Kʋyɩ nɛ ŋkaɖɩnɩ mon-koyindinaa pana sɔsɔna;+Fe nɛ ŋsɩnɩ-m, nɛ ŋɖʋ paɣtʋ se pahʋʋ tɔm siɣsiɣ.+
7 Yele nɛ ajɛɛ cɔ-ŋ nɛ ata;Nɛ ŋkaɣ-yɛ kaɖɩnʋʋ nɛ ɛsɔdaa.
8 Yehowa kaɣ tɔm hʋnʋʋ samasɩ.+
Hayɩ Yehowa, hʋʋ mɔn-tɔm ɛzɩ men-siɣsiɣ wɛtʋ pɔzʋʋ yɔNɛ ɛzɩ man-cɩŋgɩlɩm wɛtʋ pɔzʋʋ yɔ.+
9 Mentendi-ŋ, yele nɛ kañatʋ tɩnaa lakasɩ kɩdɛkɛdɩsɩ sɩɩ tɩnaɣ.
Ɛlɛ caɣzɩ camɩyɛ siɣsiɣ tɩnaa,+Mbʋ pʋyɔɔ yɔ ŋkɛ Ɛsɔ siɣsiɣ tʋ+ weyi ɛtazɩɣ laŋa taa+ nɛ ɛsɩm ɛzɩma pɩlakɩ ɛyʋ ɖooo ɛ-taa yɔ.*+
10 Ɛsɔ kɛnɩ man-kpayʋʋ,+ ɛnʋ kɛnɩ mba pa-laŋa wɛ siɣsiɣ yɔ pa-Ñʋʋ Yaɖʋ.+
11 Ɛsɔ kɛ tɔm hʋyʋ weyi ɛwɛ siɣsiɣ yɔ,+Nɛ Ɛsɔ susuu ɛ-tɔm hʋʋ paa ɖooye.
12 Ye nɔɔyʋ ekizaa se eekpiɖiɣ yɔ,+ Ɛsɔ sayɩɣ ɛ-laɣɖɛ;+Ɛhɔŋ ɛ-tɔʋ nɛ ɛɖaŋ kpam.+
13 Ɛñɔɔzʋʋ e-you wondu ndʋ tɩkʋʋ yɔ;Ɛñɔɔzʋʋ ɛ-tɔʋ ñɩma wena a-yɔɔ wɛ miŋ yɔ.+
14 Cɔnɩ weyi ɛhaɣ kañatʋ hoɣa yɔ;Ɛhaɣ kʋñɔŋ hoɣa nɛ ɛlʋlɩ cɛtɩm.+
15 Ehuyi pɔʋ sɔsɔʋ nɛ kilimi,Ɛlɛ ɛ-maɣmaɣ ɛtɔlʋʋnɩ pɔʋ ŋgʋ ehuyaa yɔ kɩ-taa.+
16 Kʋñɔŋ ŋgʋ ɛkɔŋna yɔ, ɛ-maɣmaɣ ɛ-ñʋʋ taa kɩkaɣ pɩsʋʋ;+Ɛ-kañatʋ lakasɩ kaɣ tɔlʋʋ ɛ-ñʋdaka taa.
17 Mankaɣ sam Yehowa e-siɣsiɣ wɛtʋ yɔɔ;+Mankaɣ samtʋ hendu teu* Kɩlɩm+ Yehowa hɩɖɛ.+
Pɩ-tɛɛ tɔm
^ Yaa «pakaɣ man-kalɩzaɣ cɩyʋʋ.»
^ Pɩpɩzɩɣ pɩkɛ, «Nɛ meyele weyi ɛkaɖɩɣnɩ-m falaa yɔ.»
^ Yaa «man-kalɩzaɣ wayɩ.»
^ Piye piye, «Ɛfɛyɩ me-wezuu tataa.»
^ Yaa «weyi ɛtakɩɣ laŋa nɛ kataŋgayɩsɩ yɔ.»
^ Yaa «Mankaɣ minziiki mabʋ.»
