Aduwa 17:1-28
17 Pɩwɛ weewee se ɛyʋ ɛtɔɔ kpɔnɔ ŋgʋ kɩwɩlɩ kaŋkaŋ yɔ ɖenɖe laŋhɛzɩyɛ* wɛɛ yɔ+Nɛ pɩkɩlɩ se ɛwɛɛ ɖɩɣa ŋga kazandʋ* wɛ ka-taa paa ɛzɩmtaa, ɛlɛ ka-taa wɛ ñaɖʋʋ yɔ.+
2 Lɩmɖʋyʋ weyi ɛwɛ lɛɣtʋ yɔ, ɛkaɣ wɛnʋʋ ɖoŋ pɩɣa ŋga kalakɩ fɛyɛ lakasɩ yɔ kɔ-yɔɔ;Ɛ nɛ piya lɛɛsɩ pakaɣ tayʋʋ sɩ-caanaa ñɩm.
3 Liidiye ñɩɣtʋ yɔɔ yɔɔ palabɩ ñɩɣtʋ yolusiyu ɖeɣa, nɛ sika yɔɔ yɔɔ palabɩ miŋ momoɖe,+Ɛlɛ Yehowa kɛnɩ ɛyaa laŋa taa tazɩyʋ.+
4 Kañatʋ tʋ welisiɣ tɔm ndʋ tɩɖʋʋ ɖɩwɩzɩyɛ yɔ,Nɛ cɛtɩyʋ welisiɣni nzʋlʋmɩyɛ nɖɩ ɖɩɖʋʋ wɩzasɩ yɔ.+
5 Weyi ehoŋuu kʋñɔndʋ yɔ ɛtʋʋ ɛ-Mayʋ,+Nɛ weyi ɛnɩɣ leleŋ ɛyʋ lɛlʋ asɛyʋʋ yɔɔ yɔ, paa pɩɩlabɩ ɛzɩma yɔ pakaɣ ɛ-nɩŋgbaŋʋʋ hɔm.+
6 Sayɩnaa kɛ akpadɩyaa awiya hulaɣ,Nɛ caanaa* kɛ pa-pɩyalaa* samtʋ.
7 Tɔm ndʋ tɩtʋʋzaa yɔ tɩ-yɔɔdʋʋ* tɩmʋnɩ kɩmɛlɛŋ.+
Ye mbʋ, cɛtɩm tɔm yɔɔdʋʋ ɛɛpɩzɩɣ nɛ pɩmʋnɩ ɖiyiyu* nɔɔyʋ kpa!+
8 Kʋjɔʋ wɛ ɛzɩ ñɩɣlɩm pɩyɛ yɔ kɩ-tʋ;*+Paa le ɛtɩɩɖɛɣna yɔ, kiyeki nɛ pɩɖɔŋnɩ-ɩ camɩyɛ.+
9 Weyi ekpeɣu kɩdɛkɛdɩm yɔ* ɛñɩnɩɣ sɔɔlɩm,+Ɛlɛ weyi ɛyɔɔdʋʋ tɔm natʋyʋ kaahɛzaɣ yɔ, ɛyasɩɣ taabalaa kɩbama.+
10 Ye pakalɩ ɛyʋ weyi ɛwɛnɩ tɔm taa nɩʋ lɛɣtʋ yɔ, pitukuuni-i siŋŋ+Nɛ pɩkɩlɩ pamakʋʋ kɩmɛlɛŋ tam 100 yɔ.+
11 Kaañamtʋ ɖeke ɛyʋ kɩdɛkɛdʋ ñɩnɩɣ,Ɛlɛ pakaɣ tiyuu kañatʋ tʋ nɔɔyʋ nɛ ɛhɔ ɛ-nɩŋgbaŋʋʋ.+
12 Pɩwɛ weewee se ɛyʋ ɛkatɩ kpemtɔɔyaɣ ŋga pakpaɣ ke-piya kɔ-cɔlɔ yɔNɛ pɩkɩlɩ se ɛkatɩ kɩmɛlɛŋ kɩ-kɩmɛlɛndʋ taa.+
13 Ye nɔɔyʋ ɛhɛyɩ kɩdɛkɛdɩm kɩbandʋ lone taa yɔ,Kɩdɛkɛdɩm ɛɛkaɣ pɩ-tɩ posuu nɛ ɛ-ɖɩɣa.+
14 You paɣzʋʋ wɛ ɛzɩ patʋlʋʋ lɩm nʋmɔʋ yɔ;*Pʋcɔ nɛ you paɣzɩ lɛ, kpaɣ ña-nʋmɔʋ nɛ ŋɖɛɛ.+
15 Weyi eɖeziɣ kañatʋ tʋ tɔm yɔ, nɛ weyi ɛkʋʋ ɛyʋ siɣsiɣ tʋ tɔm yɔ+—Yehowa paɖɩɣ pa-naalɛ.
16 Laŋɩyɛ nɖɩ pehikiɣni lɔŋsɩnɖɛ yɔ, kɩmɛlɛŋ fɛyɩnɩ-ɖɩ lɛ,*Paa kɩwɛnɩ waɖɛ se kihiɣ lɔŋsɩnɖɛ yɔ, pɩwazɩɣ-kʋ we?+
17 Taabalʋ kɩbanʋ wɩlɩɣ sɔɔlɩm paa ɛzɩmtaa,+Nɛ ɛkɛ koobu weyi palʋlɩ-ɩ se ɛsɩna kʋñɔŋ alɩwaatʋ taa yɔ.+
18 Kɩmɛlɛŋ* haɣ ɛyʋ lɛlʋ nesi ki-koobu ɛsɩndaaNɛ kiɖuki* se kɩhɛyɩɣ kɩmɩyɛ nɖɩ nɔɔyʋ tɔwaa yɔ.+
19 Weyi ɛsɔɔlɩ you yɔ, ɛsɔɔlɩ paɣtʋ yɔɔ maʋ.+
Weyi ɛlɩzɩɣ ɛ-nɔnɔɔ ɖooo ɛsɔdaa yɔ, ɛyaɣ asɛyʋʋ.+
20 Weyi ɛ-laŋɩyɛ taa wɛ nabʋlɛ yɔ, pɩɩkaɣ-ɩ ɖenuu,*+Nɛ weyi ɛyɔɔdʋʋ pɔbɔtʋ tɔm yɔ, asɛyʋʋ pɩkaɣ-ɩ tɛmnʋʋ.
21 Weyi ɛlʋlʋʋ pɩɣa kɩmɛlɛŋ yɔ, ɛkaɣ wɛʋ laŋwɛɛkɩyɛ taa;Nɛ pɩɣa ŋga ka-ñʋʋ taa fɛyɩ yɔ, ka-caa ɛɛkaɣ leleŋ nɩʋ.+
22 Laŋɩyɛ nɖɩ ɖɩwɛ taa leleŋ taa yɔ, ɖɩkɛnɩ kɔyɛ kɩbanɖɛ;*+Ɛlɛ fezuu ŋgʋ pitibi-kʋ yɔɔɔ yɔ kiyeki nɛ ɛyʋ ɖoŋ tɛŋ.*+
23 Kañatʋ tʋ kaɣ tisuu se pataa ɛ-nɔɔ num mɛsaɣ tɛɛ*Nɛ ɛpɩsɩ siɣsiɣ tɔm tuluŋa.+
24 Lɔŋsɩnɖɛ wɛ lɛɣtʋ tʋ ɛsɩndaa kpaagbaa,Ɛlɛ kɩmɛlɛŋ ɛsa yotuu nɛ atalɩ ɖooo tɛtʋ kamasɩ yɔɔ.+
25 Pɩɣa kɩmɛlɛŋ kɔŋnɩ laŋwɛɛkɩyɛ ka-caaNɛ kɔkɔŋnɩ laŋɩyɛ taa wɩzasɩ* ko-ɖoo.+
26 Pɩfɛyɩ ɖeu se pɔhɔ ɛyʋ siɣsiɣ tʋ nɩŋgbaŋʋʋ,*Nɛ pɩtɩmʋna se pama mba pamʋnɩ ñamtʋ yɔ.
27 Ɛyʋ weyi ɛwɛnɩ sɩmtʋ yɔ, ɛɖɔkʋʋ ɛ-nɔɔ,+Nɛ ɛyʋ weyi ɛwɛnɩ lɛɣtʋ yɔ, ɛcakɩ ɖiɣ ɖiɣ.*+
28 Halɩ kɩmɛlɛŋ ŋgʋ kisuŋ ɖiɣ ɖiɣ yɔ, pakpakɩɣ-kʋ se lɔŋsɩnɖʋ,Nɛ weyi esuluu ɛ-nɔɔ yɔ, pakpakɩɣ-ɩ se lɛɣtʋ tʋ.
Pɩ-tɛɛ tɔm
^ Piye piye, «kɩlaŋ.»
^ Yaa «ɖiɣ ɖiɣ caɣʋ.»
^ Yaa «lʋlɩyaa.»
^ Yaa «pe-piya.»
^ Yaa «sɔsɔ.»
^ Yaa «Tɔm ndʋ tɩwɛ ɖeu yɔ tɩ-yɔɔdʋʋ.»
^ Yaa «Kʋjɔʋ kɛ pɩyɛ nɖɩ ɖiyeki nɛ ɖɩ-tʋ tɔm kɛdɩɣnɩ lalaa yɔ.»
^ Piye piye, «Weyi ehuuzuu kɩdɛkɛdɩm yɔɔ yɔ.»
^ Yaa «wɛ ɛzɩ peyekuu lɩm mbʋ pakama yɔ.»
^ Yaa «Kɩmɛlɛŋ ñʋʋ taa fɛyɩ lɛ.»
^ Piye piye, «Weyi ɛfɛyɩnɩ laŋɩyɛ yɔ.»
^ Yaa «Nɛ kɩlakɩ tamaɣ.»
^ Piye piye, «ɛɛkaɣ hiɣu kɩbandʋ.»
^ Yaa «ɖɩwaɣ ɛyʋ.»
^ Yaa «fezuu ŋgʋ pɩtɔyɩtɩ-kʋ yɔ kiyeki nɛ ɛyʋ mɔɔ wɩlɩɣ waɣwaɣ.»
^ Piye piye, «tisuu mulum kʋjɔʋ ŋgʋ palɩzɩnɩ laŋɩyɛ taa yɔ.»
^ Piye piye, «kɔkɔŋnɩ siziŋ nɩʋ.»
^ Yaa «se pɛpɛlɩ kɩmɩyɛ ɛyʋ siɣsiɣ tʋ.»
^ Piye piye, «ɛwɛnɩ maɣzɩm mbʋ pɩwɛ hɛɛɛ yɔ.»
