Lɔŋsɩnɖɛ nɖɩ ɖɩkpaɖaa yɔ ɖɩwɛ Bibl taa nɛ ɖɩsɩɣnɩ-ɖʋ ɖe-wezuu caɣʋ taa. Ye ŋmaɣzɩɣ tɩ-yɔɔ paa ɛzɩmtaa nɛ ŋɖɔŋ ndʋ ŋkpɛlɩkɩɣ yɔ tɩ-yɔɔ yɔ, «pɩkaɣ-ŋ ɖɔmnʋʋ ɖeu.» (Yozuwee 1:8; Keɣa 1:1-3) Ŋkaɣ ɖɔɖɔ Ɛsɔ nɛ ɛ-Pɩyalʋ Yesu, nɛ sɩmtʋ ndʋ ɖɩkaɣ yebu nɛ ŋhiɣ ñʋʋ yabɩtʋ.—Yohanɛɛsɩ 17:3.

Le ŋpɩzɩɣ nɛ ŋpaɣzɩnɩ Bibl kalʋʋ? Ŋpɩzɩɣ ŋpaɣzɩnɩ ɖenɖe ŋsɔɔlaa yɔ. Bibl kalʋʋ ɖʋtʋ tʋnɛ tɩsɩɣnɩ-ŋ se ŋkalɩ Bibl takayɩsɩ kpaɣnɩ ɖɩbazɩyɛ taa yaa ŋtɩŋnɩ tɔm ñʋŋ yɔɔ nɛ ŋpaɣzɩ. Kɩɖaʋ nakʋyʋ yɔ, ŋpɩzɩɣ ŋkalɩ tɔm ñʋŋ weyi ɩyɔɔdʋʋ caanaʋ taa Izrayɛɛlɩ mba nɛ Ɛsɔ pa-taabalɩyɛ tɔm yɔ nɛ ŋtɩlɩ pɩ-yɔɔ tɔm pazɩ. Ŋpɩzɩɣ ŋkalɩ hɔɔlɩŋ lɛɛŋ ɖɔɖɔ nɛ ŋtɩlɩ ɛzɩma kajalaɣ pɩnzɩ mɩnʋʋ taa Krɩstʋ ñɩma ɛgbɛyɛ paɣzaa nɛ ɛzɩma ɖihuwaa yɔ. Ye ŋkalɩɣ ñʋŋ nɩɩyɩ paa evemiye nɖɩ yɔ, ɖɩnɛ ɛlɛ ŋkaɣ kalʋʋ Bibl tɩŋa pɩnaɣ kʋɖʋmaɣ taa.

Paa ŋsɔɔlɩ paa evemiye nɖɩ Bibl kalʋʋ ɖʋtʋ, pɩnaɣ kʋɖʋmaɣ taa Bibl tɩŋa kalʋʋ ɖʋtʋ yaa ɖʋtʋ ndʋ palaba se pɩsɩnɩ mba papaɣzɩɣ Bibl kalʋʋ yɔ, ɖʋtʋ tʋnɛ tɩsɩɣnɩ-ŋ. Kpaɣ électronique wonuu yɔɔ Bibl kalʋʋ ɖʋtʋ, nɛ ŋpaɣzɩ kalʋʋ sɔnɔ.