Ɛjaɖɛ kpeekpe yɔɔ tɔnʋʋ taa alaafɩya ɛgbɛyɛ nɖɩ payaɣ-ɖɩ se OMS yɔ, ɖɩlabɩ akɔnta se pɩtalʋʋnɩ 23 mai 2022 wiye yɔ, COVID-19 kʋdɔŋ kʋ ɛyaa 6 270 000 mbʋ yɔ. Paa mbʋ yɔ, tɔm ndʋ OMS kaama 5 mai 2022 wiye yɔ tɩ-taa paatɛm yɔɔdʋʋ se ɛyaa mba kʋdɔŋ ŋgʋ kɩkʋwa yɔ pɔɖɔ kpem nɛ pɩkɩlɩ mbʋ. Paayɔɔdaa se pɩnaɣ 2020 nɛ 2021 taa, «ɛyaa mba payɩ COVID-19 kʋdɔŋ kʋwa yɔ, mba kɩ-maɣmaɣ keekee kɩkʋwa, nɛ mba kɩɖʋ nesi nɛ pasɩ yɔ . . . patalɩɣ ɛyaa 14 900 000 mbʋ yɔ.» Ɛzɩ Bibl yɔɔdɩ natʋyʋ nɛ titukuuni laŋwɛɛkɩyɛ tɔm tʋnɛ?

•   Yesu kaayɔɔdaa se «kʋdɔmɩŋ sɔsɔŋ» yaa kʋdɔmɩŋ kɩɖɛɖɛŋ kaɣ lɩʋ «kɛdɛzaɣ kɩyakɩŋ taa.»—Luka 21:11; 2 Timootee 3:1.

 Tɔm ndʋ Yesu kaayɔɔdaa yɔ tiɖiɣni labʋ sɔnɔ. Ŋsɔɔlaa se ŋtɩlɩ nɛ pɩkpaɖɩ yɔ, kalɩ tɔm ñʋʋ: «Quel est le signe des “derniers jours”, ou “temps de la fin”?»

•   «Laŋɩyɛ hɛzʋʋ kpeekpe tɛ Ɛsɔ yɔ . . . [hɛzɩɣ] ɖa-laŋa ɖa-nazɩm kpeekpe taa.»—2 Kɔrɛntɩ mba 1:3, 4.

 Bibl taa tɔm hɛzɩ mba pɛ-ɛyaa kʋsɔɔlaa sɩba yɔ pa-taa sakɩyɛ laŋa. Ŋsɔɔlaa se ŋtɩlɩ nɛ pɩkɩlɩ yɔ, kalɩ tɔm ñʋŋ ɩnɛ: «Comment revivre:ce que vous pouvez faire» nɛ «Une aide incomparable.»

•   «Ñe-Kewiyaɣ ɛkɔɔ. Ñɔ-sɔɔlɩm ɛla tataa ɛzɩ ɛsɔdaa yɔ.»—Maatiyee 6:10.

 Pɩkazɩ pazɩ lɛ, «Ɛsɔ Kewiyaɣ» kaɣ nabʋyʋ labʋ nɛ «tɛtʋ taa ɛyʋ nɔɔyʋ ɛɛkaɣ tɔm se: “Pɩwɩɣ-m.”» (Maarkɩ 1:14, 15; Izaayii 33:24) Cɔnɩ video Ɛbɛ Ɛsɔ Kewiyaɣ kɛnaa? Pɩsɩɣnɩ-ŋ nɛ ŋtɩlɩ mbʋ ɛsɔdaa komina ŋgʋ kɩkɛnaa yɔ, nɛ mbʋ kɩkaɣ labʋ yɔ.

 Ðiseɣtiɣ-ŋ se ŋkpɛlɩkɩ nɛ ŋtɩlɩ tɔm ndʋ Bibl wɩlɩɣ yɔ, piyeki nɛ lidaʋ tɔm nɛ lɔŋ tasʋʋ kɩbam mbʋ pɩwɛ kɩ-taa yɔ pɩwazɩ ña nɛ ñɔ-hɔʋ.