Pʋcɔ nɛ kpɛlɩkʋʋ alɩwaatʋ talɩ

1. 1. Ñɔɔzɩ ña-tɩ camɩyɛ. Ŋŋlakɩ mbʋ lɛ, maɣzɩ kpɛlɩkɩyʋ kɩcɛyɩm yɔɔ, wɛtʋ ndʋ tɩ-taa ɛwɛɛ yɔ tɩ-yɔɔ nɛ lɩmaɣza wena ɛwɛna yɔ a-yɔɔ. Maɣzɩ nɛ ŋna kɔzɩ kɔzɩ hɔɔlɩŋ weyi ɩ-taa pɩpɩzɩɣ nɛ pɩpɔzɩ se ŋsɩnɩ-ɩ nɛ ɛnɩɩ tɔm natʋyʋ taa yaa ɛɖɔ tɔm natʋyʋ yɔɔ yɔ. Maɣzɩ nɛ ŋna ɛzɩma tɔm ñʋŋ weyi ɩwɛ hɔɔlʋʋ «Wondu lɛɛtʋ» taa yɔ ɩpɩzɩɣ nɛ ɩsɩnɩ kpɛlɩkɩyʋ yɔ. Ye pɩpɔzʋʋ yɔ ña nɛ ɩ ɩtazɩ tɔm ñʋŋ ɛnɩ ɩ-taa nɩɩyɩ taa kpɛlɩkʋʋ alɩwaatʋ taa.

Kpɛlɩkʋʋ alɩwaatʋ taa

1. 2. Ye kpɛlɩkɩyʋ etisiɣ yɔ ɩtɩmɩ pʋcɔ nɛ ɩpaɣzɩ nɛ ɩtɛŋ lɛ ɩtɩmɩ ɖɔɖɔ.

2. 3. Kpa ña-tɩ nɛ ŋtaakɩlɩ yɔɔdʋʋ. Ka ñʋʋ tɔm ndʋ tɩwɛ kpɛlɩkʋʋ taa yɔ tɩ-yɔɔ nɛ ŋha kpɛlɩkɩyʋ waɖɛ nɛ ɛyɔɔdɩ ndʋ ɛmaɣzɩɣ yɔ.

3. 4. Alɩwaatʋ ndʋ ɩpaɣzɩɣ hɔɔlɩŋ sɔsɔŋ naanza taa nakʋyʋ yɔ, kalɩ cɛŋa «Mbʋ pɩ-yɔɔ pɩwɛɛ se ŋka ña-lɩmaɣza yɔ» nɛ ŋñɩɣ niye tɔm ñʋŋ weyi ɩwɛ hɔɔlʋʋ ŋgʋ kɩ-taa yɔ ɩ-taa nɩɩyɩ yɔɔ.

4. 5. Ɩtɛŋ hɔɔlʋʋ sɔsɔʋ nakʋyʋ lɛ, labɩnɩ tʋmɩyɛ hɔɔlʋʋ ŋgʋ kɩ-tɛ tɔm taa cuuzuu nɛ ŋsɩnɩ kpɛlɩkɩyʋ nɛ ɛtɔzɩ toovenim tɔm ndʋ ɛkpɛlɩkaa yɔ tɩ-yɔɔ.

5. 6. Ɩɩtazɩɣ paa tɔm kɩkpɛlɩkɩtʋ ndʋ tɩ-taa lɛ:

   1. Kalɩ yaa pɔzɩ nɛ pakalɩ tɔm ndʋ pama tɩ-kajalaɣ hɔɔlʋʋ taa yɔ.

   2. Ɩkalɩ masɩ nzɩ sɩ-cɔlɔ pamawa se «Kalɩ» yɔ sɩ-tɩŋa.

   3. Ye pɩpɔzʋʋ yɔ ɩkalɩ masɩ lɛɛsɩ nzɩ pahawa yɔ.

   4. Ɩcɔnɩ videowaa mba pɔ-cɔlɔ pamawa se «ɩcɔnɩ video» yɔ pa-tɩŋa (ye ɩwɛnɩ-wɛ yɔ).

   5. Pɔzɩ kpɛlɩkɩyʋ tɔm ndʋ pɔpɔzaa yɔ tɩ-tɩŋa.

   6. Hɔ kpɛlɩkɩyʋ lɩmaɣza nɛ ŋwoni kɩlɛmɩŋ weyi ɩwɛ hɔɔlʋʋ «Tazɩ nɛ pilimi» taa yɔ ɩ-yɔɔ nɛ ŋheyi-i se ɛyɔɔdɩ ɩ-yɔɔ tɔm.

   7. Labɩnɩ tʋmɩyɛ aɖakaɣ «Kaɖʋwa» nɛ ŋsɩnɩ kpɛlɩkɩyʋ nɛ ɛɖʋ ɛ-tɩ fezuu taa kaɖʋsɩ nɛ ɛtalɩ-sɩ. Ŋpɩzɩɣ ŋseɣti-i se ɛtɩŋnɩ kaɖʋwa ŋga pahawa yɔ kɔ-yɔɔ nɛ ɛɖʋ ɛ-tɩ kaɖʋsɩ lɛɛsɩ, yaa ŋpɩzɩɣ ŋseɣti-i ɖɔɖɔ se ɛñaɣ pana nɛ ɛtalɩ kaɖʋwa ŋga pahawa yɔ nɛ ɛɖʋ ɛ-tɩ kaɖʋsɩ lɛɛsɩ.

   8. Pɔzɩ kpɛlɩkɩyʋ nɛ ŋna se alɩwaatʋ ndʋ ɛñɔɔzaɣ kpɛlɩkʋʋ yɔ, tɔm ñʋŋ yaa videowaa mba pɛwɛ hɔɔlʋʋ «Wondu lɛɛtʋ» taa yɔ, pa-taa nakʋyʋ kɛdɩnɩ-ɩ nɛ pɩkɩlɩ yaa we.

   9. Ɩɩkpɛlɩkɩɣ lɛ, ɩñaɣ pana nɛ ɩtɛ paa tɔm kɩkpɛlɩkɩtʋ ndʋ lɛ kpaagbaa.

Ɩtɛŋ kpɛlɩkʋʋ lɛ

1. 7. Wɛɛ nɛ ŋmaɣzɩɣ ñe-Bibl kpɛlɩkɩyʋ yɔɔ. Tɩmnɩ Yehowa se ɛwazɩ ɛzɩma ñe-Bibl kpɛlɩkɩyʋ ɖɛɣnɩ ɛsɩndaa yɔ pɩ-yɔɔ nɛ ɛha-ŋ lɔŋsɩnɖɛ nɛ ŋtɩlɩ ɛzɩma ŋkpaɣna nɛ ŋsɩnɩ-ɩ yɔ.