“Mono ke sikisa bantu ya kimvuka na beno sambu na mpusa mpi nzala na bo ya ngolo ya kusadila kimfumu ya Nzambi. Beto ke sepelaka mingi mpi ke bakaka na mbalu bikesa ya beno ke salaka sambu na kusadisa bantu mpi makabu ya beno ke pesaka sambu na bampangi na beno Bambangi ya Yehowa mpi bantu ya bwala na beto.”

Mambu yina katukaka na mukanda mosi yina Kasim Reed, maire ya mbanza Atlanta, na Géorgie, États-Unis sonikaka. Mukanda yina vandaka kuyamba Bambangi ya Yehowa yina kwisaka sambu na balukutakanu ya distrike tatu ya nene yina bo salaka na mbanza yina.

Mutindu mosi, Assemblée ya mbanza Atlanta basisaka nsangu mosi sambu na kuyamba bantu yina kwisaka na lukutakanu. Bo sonikaka nde: “Kele ti Bambangi ya Yehowa kiteso ya bamilio nana na ntoto ya mvimba; bo me katuka na bikanda mpi na bandinga mingi, kansi . . . beno kele ya kuvukana na balukanu ya mutindu mosi . . . [Beno] ke zola kupesa lukumu na Yehowa, Nzambi ya Biblia mpi Ngangi ya bima yonso.”

Bo salaka balukutakanu ya distrike tatu na Yuli mpi Augusti 2014 kuna; manaka ya balukutakanu zole vandaka na Kingelesi mpi mosi na Ki-espaniole. Bantu katukaka na bansi kiteso ya 28, mpi bo vandaka kubalula manaka ya Kingelesi mbala mosi na ndinga ya Russie mpi ya Japon sambu na bantu yina ke tubaka bandinga yina. Ntalu ya bantu yonso yina vandaka na balukutakanu tatu yina vandaka 95 689.

Na mvu 2014, Bambangi ya Yehowa salaka balukutakanu ya nene ya bansi mingi na bansi uvwa, tanga mpi bisika 16 ya kuswaswana na États-Unis.