Rani longukaka na kuzaba muntu yina me salaka beto, Nzambi Nkwa-Ngolo yonso yina ke ­pesaka mayele ya kieleka. Kuzaba Nzambi me sadisaka yandi na kuzwa kiese ya kieleka. Ntangu nge ke tanga masolo yai ya ke landa, sosa kuzaba inki ­mutindu malongi ya Nzambi lenda sadisa nge na:

• kuvanda ti luzingu ya kiese na dibuta

• kuzinga na ngemba ti bantu ya nkaka

• kusepela ti bima ya nge kele ti yo

• kuzaba sambu na nki beto ke monaka mpasi mpi ke fwaka

• kundima nde muntu yina salaka beto ta katula bampasi yonso mpi ta pesa beto luzingu ya kiese

• kuzaba muntu yina salaka beto mpi kukuma nduku na yandi

Nge ta mona mpi nde muntu yina salaka beto ke pesaka ve mayele na yandi kaka na bantu fioti mpamba, kansi nde yandi ke pesaka yo na konso muntu yina ke sosa yo.