TELAMA! No. 3 2017 | Keti Biblia Me Katukaka Kibeni na Nzambi?
Keti Biblia me katukaka na Nzambi? To keti yo kele mukanda yina kele kaka ti bangindu ya bantu?
Nimero yai ya Telama! ke tubila banzikisa tatu ya ke monisa nde Biblia me katukaka kibeni na Nzambi.
DISOLO YINA KELE NA LUTITI YA LUYANTIKU
Biblia—Keti Yo Kele Kibeni “ya Kupemama na Nzambi”?
Bantu ya nkaka ke yindulaka nde Biblia kele ti mwa kuwakana ti Nzambi. Bankaka ke monaka yo kaka bonso kimvuka ya masolo ya luvunu, masolo ya ntama, mpi bansiku yina bantu sonikaka.
DISOLO YINA KELE NA LUTITI YA LUYANTIKU
Biblia—Yo Kele ya Sikisiki na Mambu Yonso
Biblia tubilaka kaka ve na sikisiki bima yina kele na lugangu na ntwala nde bantu ya siansi kutendula yo, kansi yo tubilaka mpi mutindu bimfumu ta kuma ngolo mpi ta bwa, mpi yo ke pesaka bamvutu ya me fwana na bangiufula ya mfunu ya luzingu.
LUSADISU SAMBU NA MABUTA
Mfunu ya Bisalu ya Nzo
Keti beno ke vandaka ti keti-keti sambu na kupesa bana na beno bisalu? Kana mpidina, tala mutindu kusala bisalu ya nzo lenda longa bana na kubaka mikumba mpi lenda natila bo kiese.
Keti Butomfu ya Divumu Kele “Butomfu ya Zole” ya Nitu na Nge?
“Kisika yai ya bima mingi ke vukanaka” ke vandaka mingi-mingi na divumu na nge. Inki yo ke salaka mpenza na nitu na nge?
INTERVIEW
Muntu Mosi ya Ke Salaka Baprograme ya Ordinatere Ke Tendula Lukwikilu na Yandi
Ntangu Doktere Fan Yu yantikaka kusala bansosa na matematike yandi vandaka kukwikila nde bima kudibasikilaka. Ntangu yai, yandi ke kwikilaka nde Nzambi muntu gangaka luzingu. Sambu na nki?
DIBANZA YA BIBLIA
Bawanzio
Bo ke monisaka bawanzio na mikanda, na bifwanisu, mpi na bafilme. Inki mambu Biblia ke tubaka sambu na bo?
KETI YO KUDIBASIKILAKA
Mika ya Loutre ya Nzadi-Mungwa
Bambisi ya nkaka ya masa yina ke nwisaka bana na yo ke vandaka ti mpusu ya mafuta na nsi na yo mpi yo ke sadisaka yo sambu yo vanda kaka tiya. Loutre ya nzadi-mungwa ke sadilaka metode ya nkaka.
Tanga mpi
Inki Mutindu Mono Lenda Vanda Kibeni na Kimpwanza?
Nge ke yindula nde ntangu me lunga sambu bo sadila nge mambu bonso mbuta kansi bibuti na nge lenda buya. Inki mambu nge lenda sala sambu bo kuma kutudila nge ntima?
Nani Kele Munkwa ya Biblia?
Sambu bantu sonikaka Biblia, keti beto lenda mpenza kubinga yo Ndinga ya Nzambi? Mambu ya bo me sonikaka na Biblia kele kibeni bangindu ya nani?
