Keti nge ke sambaka mbala na mbala? Bantu mingi ke salaka yo, ata bantu yina ke ndimaka ve nde Nzambi kele. Kansi, sambu na nki bantu ke sambaka? Na kutadila nsosa mosi ya bo salaka na France, bantu 50 na kati ya nkama ke sambaka to ke yindululaka bantangu ya nkaka “sambu kisambu kulembika bo.” Bonso bantu mingi ya Eropa, bantu ya France ke sambaka ve sambu na kukumisa Nzambi, kansi sambu “kisambu kulembika bo.” Bantu ya nkaka yina ke kwikilaka na Nzambi ke sambaka kaka kana bo kele na mfunu ya kima mosi mpi bo ke vingilaka nde Nzambi kupesa bo mvutu nswalu.—Yezaya 26:16.

Ebuna nge? Keti nge ke yindula nde kisambu kele mwaye mosi ya ke sadisaka nge na kuvanda ti mabanza ya mbote? Kana nge ke kwikilaka na Nzambi, keti kisambu ke sadisaka nge? To keti nge ke monaka nde Nzambi ke pesaka ve mvutu na bisambu na nge? Biblia lenda sadisa nge na kutadila ve kisambu bonso mwaye mosi ya ke lembikaka mabanza, kansi bonso mutindu ya mbote ya kukwenda pene-pene na Nzambi.