Nkunga 95:1-11
95 Beno kwisa, beto tula milolo ya kiese sambu na Yehowa!
Beto tula milolo ya kununga sambu na ditadi na beto ya luguluku.+
2 Beto kota na ntwala na yandi* ti makabu ya kupesa matondo;+Beto yimba mpi beto tula milolo ya kununga sambu na yandi.
3 Sambu Yehowa kele Nzambi ya nene,Ntotila ya nene na zulu ya banzambi yonso ya nkaka.+
4 Nsi kibeni ya ntoto kele na diboko na yandi;Bansongi ya ngumba kele ya yandi.+
5 Nzadi-mungwa, yina yandi salaka, kele ya yandi,+Mpi maboko na yandi salaka ntoto ya kuyuma.+
6 Beno kwisa, bika beto sambila mpi beto fukama;Bika beto fukama na ntwala ya Yehowa muntu yina salaka beto.+
7 Sambu yandi kele Nzambi na beto,Mpi beto kele bantu ya nseke na yandi,Mameme ya yandi ke kebaka.*+
Bubu yai kana beno wa ndinga na yandi,+
8 Beno kumisa ve ntima na beno ngolo bonso na Meriba,*+Bonso na kilumbu ya Massa* na ntoto-makanga.+
9 Ntangu ba-nkaka na beno mekaka mono;+Bo tulaka ntembe ti mono, ata bo monaka bisalu na mono.+
10 Bamvula 40 mono waka ndonga yina ya bantu nzanzi, mpi mono tubaka nde:
“Bo kele bantu yina ke vilaka nzila konso ntangu na bantima na bo;Bo me longukaka ve na kuzaba banzila na mono.”
11 Yo yina mono zengaka kieleka na makasi na mono nde:
“Bo ta kota ve na kupema na mono.”+
Banoti na nsi ya lutiti
^ Na kisina, “na ntwala ya luse na yandi.”
^ Na kisina, “ya maboko na yandi.”
^ Yo ke tendula “Kuswana.”
^ Yo ke tendula “Kumeka; Mumekamu.”
