Yezaya 26:1-21
26 Na kilumbu yina, bo ta yimba nkunga+ yai na insi ya Yuda:+
“Beto kele ti mbanza mosi ya ngolo.+
Yandi me sala nde bibaka na yo mpi bibaka na yo ya lutaninu+ kukuma luguluku.
2 Beno kangula bakielo+ sambu dikanda ya lunungu kukota,Dikanda yina ke landa kuditwadisa na kwikama.
3 Nge ta tanina bantu yina ke yekamaka kibeni na nge;*Nge ta pesa bo ngemba+ ya ntangu yonso,Sambu bo ke tudilaka nge ntima.+
4 Beno tula ntima na Yehowa kimakulu,+Sambu Yah* Yehowa kele Ditadi+ ya mvula na mvula.
5 Sambu yandi me kulumusa bantu yina ke zingaka na kisika ya kunanguka, mbanza ya kunanguka,
Yandi ke kulumusa yo,Yandi ke kulumusa yo tii na ntoto;Yandi ke losa yo na mfututu.
6 Dikulu ta niata yo,Makulu ya muntu yina bo ke monisa mpasi, bitambi ya bantu ya kukonda mfunu.”
7 Nzila ya muntu ya lunungu kele ya kusungama.*
Sambu nge kele muntu ya mbote,Nge ta kumisa nzila ya muntu ya lunungu kukonda ngumba.
8 Sambu beto ke landa nzila ya balusambisu na nge, O Yehowa,Kivuvu na beto kele na nge.
Beto* kele ti nzala ya ngolo ya kuyibuka zina na nge mpi mambu yina yo ke tendula.*
9 Na mpimpa mono ke vandaka ti nzala na nge ya ngolo ti yonso yina mono kele na yo,*Ee, mpeve na mono ke landa kusosa nge;+Sambu ntangu nge ke sambisa ntoto,Bantu ya insi ke longuka lunungu.+
10 Ata bo monisila muntu ya mbi ntima ya mbote,Yandi ta longuka ve lunungu.+
Ata na insi ya kusungama, yandi ta sala mambu na mutindu ya mbi,+Mpi yandi ta mona ve bunene ya Yehowa.+
11 O Yehowa, diboko na nge kele ya kunangula, kansi bo ke mona yo ve.+
Bo ta mona kikesa na nge sambu na bantu na nge mpi bo ta wa nsoni.
Ee, tiya na nge ta yoka bambeni na nge.
12 O Yehowa, nge ta pesa beto ngemba,+Sambu mambu yonso yina beto me salaNge muntu me sadila beto yo.
13 O Yehowa Nzambi na beto, katula nge bamfumu ya nkaka yalaka beto,+Kansi beto ke tubila kaka zina na nge mpamba.+
14 Bo me fwa; bo ta zinga ve.
Bo me konda ngolo na lufwa, bo ta telama ve.+
Sambu nge me tudila bo dikebiSambu na kumanisa bo mpi kusala nde bo tubila bo diaka ve ata fioti.
15 O Yehowa, nge me kumisa dikanda nene,Nge me kumisa dikanda nene;Nge me kudipesa+ nkembo.
Nge me kumisa bandilu yonso ya insi+ nene kibeni.
16 O Yehowa, na ntangu ya mpasi bo balukaka na ndambu na nge;Bo salaka kisambu na nsi-nsi ntangu nge pesaka bo ndola.+
17 Kaka bonso nkento ya kele ti divumu yina ke zola kubutaKe vandaka ti misongo mpi ke dilaka na ndinga ya ngolo sambu na mpasi,Beto mpi waka mutindu yina sambu na nge, O Yehowa.
18 Beto bakaka divumu, beto waka mpasi ya kubuta,Kansi yo kele bonso nde beto butaka mupepe.
Beto nataka ve luguluku na insi,Mpi ata muntu mosi ve me butuka sambu na kuzinga na insi.
19 “Bafwa na nge ta zinga.
Bamvumbi na mono* ta telama.+
Beno telama mpi beno tula milolo ya kiese,Beno bantu ya ke zinga na mfututu!+
Sambu malulu na beno kele bonso malulu ya suka,*Mpi ntoto ta bika nde bantu yina me konda ngolo na lufwa kuvutuka na luzingu.*
20 Beno kwenda, beno bantu na mono, beno kota na basuku na beno ya kati,Mpi beno kanga bakielo na beno.+
Beno bumbana sambu na ntangu fiotiTii kuna makasi* ta luta.+
21 Tala! Yehowa me katuka na kisika na yandi mpi ke kwisaSambu na kusambisa bantu ya insi yina sambu na kifu na bo,Ebuna insi ta monisa menga na yandi yina bo tiamunakaMpi ta fika diaka ve bantu na yandi yina fwaka.”
Banoti na nsi ya lutiti
^ To mbala ya nkaka, “bantu yina mabanza na bo ke sobaka ve.”
^ “Yah” kele zina ya Yehowa na bunkufi.
^ To “lelensi.”
^ To “Ti moyo na beto, beto.”
^ Disongidila, nde bantu kuyibuka to kutubila Nzambi ti zina na yandi.
^ To “na moyo na mono.”
^ Na kisina, “Mvumbi na mono.”
^ To mbala ya nkaka, “malulu ya matiti (tu-banti ya gimove).”
^ To “ta buta bantu yina me konda ngolo na lufwa.”
^ To “ndola.”
