Yezaya 63:1-19
63 Yai nani ya me katuka na Edomi+ mpi ke kwisa,Ya me katuka na Bosra+ ti bilele ya ke sema,*Muntu yai ya me lwata bilele ya lukumu,Ya ke tambula na ngolo na yandi ya mingi?
“Yo kele mono, Muntu ya ke tubaka na lunungu,Muntu yina kele ti ngolo mingi sambu na kugulusa.”
2 Sambu na nki bilele na nge kele mbwaki,Mpi sambu na nki bilele na nge kele bonso ya muntu yina ke niata-niata bambuma ya vinu na kikamuninu ya vinu?+
3 “Mono me niata-niata bambuma ya vinu na kikamuninu ya vinu mono mosi.
Ata muntu mosi ve na kati ya bantu vandaka ti mono.
Mono landaka kuniata-niata bo na makasi na mono,+Mpi mono landaka kuniata bo na nganzi na mono.
Menga na bo panzanaka na bilele na mono,Ebuna mono bebisaka bilele na mono yonso.
4 Sambu kilumbu ya kuvutula mbi kele na ntima na mono,+Mpi mvula ya bantu na mono ya mono me sumbaka diaka me kwisa.
5 Mono talaka, kansi ata muntu mosi ve vandaka sambu na kusadisa;Mono waka mpasi na kumona nde ata muntu mosi ve pesaka lusadisu.
Yo yina diboko na mono gulusaka* mono,+Mpi makasi na mono mosi sadisaka mono.
6 Mono niataka bantu na makasi na mono,Mono salaka nde bo lawuka nganzi na mono+Mpi mono tiamunaka menga na bo na ntoto.”
7 Mono ta tubila mambu ya ke monisa zola ya kwikama ya Yehowa,Mambu ya Yehowa me salaka ya me fwana kubaka lukumu,Sambu na mambu yonso yina Yehowa me salaka sambu na beto,+Mambu mingi ya mbote yina yandi me salaka sambu na nzo ya Izraele,Na kuwakana ti mawa na yandi mpi zola na yandi ya kwikama ya nene.
8 Sambu yandi tubaka nde: “Ya kieleka bo kele bantu na mono, bana yina ta konda ve kwikama.”*+
Na mutindu yina, yandi kumaka Ngulusi na bo.+
9 Na ntangu yonso yina bo vandaka kumona mpasi, yo vandaka kupesa yandi mpasi.+
Mpi kinati-nsangu na yandi* gulusaka bo.+
Na zola na yandi ti na mawa na yandi, yandi sumbaka bo diaka,+Mpi yandi tombulaka bo mpi nataka bo bilumbu yonso ya ntangu ya ntama.+
10 Kansi bo kolamaka+ mpi pesaka mpeve santu na yandi mawa.+
Ebuna yandi balukilaka bo mpi kumaka mbeni na bo,+Mpi yandi nwanisaka bo.+
11 Ebuna bo yibukaka bilumbu ya ntama,Bilumbu ya Moize nsadi na yandi:
“Wapi Muntu yina basisaka bo na nzadi-mungwa+ ti bangungudi ya bitwisi na yandi?+
Wapi Muntu yina tulaka mpeve santu na yandi+ na kati na yandi,
12 Muntu yina salaka nde diboko na yandi ya nkembo kukwenda ti diboko ya kitata ya Moize,+Muntu yina kabulaka bamasa na ndambu zole na ntwala na bo+Sambu na kusala nde zina na yandi+ kubaka lukumu kimakulu,
13 Muntu yina salaka nde bo tambula na bamasa ya me dasuka,*Yo yina bo tambulaka kukonda kubula sakuba,Bonso mpunda na nseke?*
14 Kaka bonso bitwisi ntangu bo ke kulumukaka na muwanda,Mpeve ya Yehowa mpi salaka nde bo pema.”+
Yai kele mutindu nge twadisaka bantu na nge,Sambu na kusala nde zina na nge ya nene* kubaka lukumu.+
15 Tuka na zulu, tala na ntoto mpi mona,Tuka na kisika ya kunanguka ya santu mpi ya nkembo* yina nge ke zingaka.
Wapi kikesa na nge mpi ngolo na nge,Kima ya ke pusaka nge na kufwila bantu nkenda*+ mpi mawa na nge?+
Nge me buya kupesa mono yo.
16 Sambu nge kele Tata na beto;+Ata Abrahami kuzaba beto veMpi Izraele kundima beto ve,Nge, O Yehowa, nge kele Tata na beto.
Zina na nge+ kele Muntu ya me sumbaka beto diaka tuka ntama.
17 O Yehowa, sambu na nki nge ke bika* nde beto yungana-yungana ntama ti banzila na nge?
Sambu na nki nge ke bika* nde bantima na beto kukuma ngolo, na mpila nde beto wa nge boma ve?+
Kwisa kuvutuka, sambu na bansadi na nge,Makanda ya dikabu na nge.+
18 Bantu na nge ya santu bakaka yo sambu na mwa ntangu.
Bambeni na beto niataka kisika na nge ya santu.+
19 Sambu tuka ntama kibeni beto kumaka bonso bantu yina nge me yalaka ntete ve,Bonso bantu yina bo me bingaka ntete ve na zina na nge.
Banoti na nsi ya lutiti
^ To mbala ya nkaka, “ya mbwaki ya ke sema.”
^ To “nungisaka.”
^ To “ta vanda ve bana ya luvunu.”
^ To “wanzio yina ke vandaka na ntwala na yandi.”
^ To “bamasa ya mudindu.”
^ To “na ntoto-makanga?”
^ To “ya kitoko.”
^ To “ya kitoko.”
^ Na kisina, “Mawi na nge ya kati ya ke kudiyangisa.”
^ To “ke sala.”
^ Na kisina, “ke sala.”
