1er-7 avril
BANKUNGA 23-25
Nkunga 4 mpi Kisambu | Bangogo ya Luyantiku (Mun. 1)
1. “Yehowa Kele Ngungudi na Mono”
(Min. 10)
Yehowa ke twadisaka beto (Nk 23:1-3; w11 1/6 11 § 3)
Yehowa ke taninaka beto (Nk 23:4; w11 1/6 11 § 4)
Yehowa ke disaka beto (Nk 23:5; w11 1/6 11 § 5)
Yehowa ke kebaka bansadi na yandi kaka mutindu ngungudi ya zola ke kebaka mameme na yandi.
KUDIYULA NDE: ‘Inki mutindu Yehowa me kebaka mono?’
2. Bimvwama ya Kimpeve
(Min. 10)
Nk 23:3—“Banzila ya lunungu” kele nki mpi nki ta sadisa beto na kuyambula yo ve? (w11 1/2 24 § 1-3)
Inki bimvwama ya kimpeve ya lutangu ya Biblia ya mposo yai nge ta sepela kutubila?
3. Lutangu ya Biblia
(Min. 4) Nk 23:1–24:10 (th dilongi 5)
4. Kuyantika Disolo
(Min. 3) KIMBANGI YA DIBAKU YA MBOTE. Muntu mosi me songa nge nde yandi ke kudiyangisa mutindu bantu ke bebisa ntoto. Tangila yandi verse mosi ya ke pesa kikesa. (lmd dilongi 2 kantu-diambu 5)
5. Landa Mpusa
(Min. 4) NZO NA NZO. Songa muntu yina ndimaka kamukanda Zinga Mvula na Mvula! mutindu kulonguka ya Biblia ke salamaka. (lmd dilongi 9 kantu-diambu 3)
6. Kukumisa Bantu Balongoki
Nkunga 54
7. Beto Ke Buyaka Kuwa Ndinga ya Banzenza
(Min. 15) Disolo ti Bawi.
Mameme ke zabaka ndinga ya ngungudi na bo mpi bo ke landaka yandi. Bo ke tinaka nzenza yina bo zaba ve ndinga na yandi. (Yoa 10:5) Mutindu mosi mpi, beto ke waka ndinga ya Yehowa mpi ya Yezu, bangungudi na beto ya kimpeve yina ke zolaka beto mpi yina beto ke tudilaka ntima. (Nk 23:1; Yoa 10:11) Beto ke buyaka kuwa ndinga ya banzenza yina ke sosaka kulembisa lukwikilu na beto na nzila ya “bangogo ya luvunu.”—2Pi 2:1, 3.
Kuyantika kapu 3 ke tubila mbala ya ntete yina ndinga ya nzenza wakanaka na ntoto. Satana solulaka ti Eva na nzila ya nioka sambu Eva kuzaba ve nani kibeni yandi vandaka kusolula ti yandi. Yandi monisaka bonso nde yandi vandaka nduku ya Eva mpi yandi tubaka mambu ya luvunu sambu na Yehowa mpi sambu na bangindu na yandi. Diambu ya mawa kele nde, Eva widikilaka Satana mpi yo natilaka yandi ti dibuta na yandi bampasi ya ngolo.
Bubu yai, Satana ke pusaka beto na kukuma ti badute ntangu yandi ke mwangaka bansangu ya luvunu mpi mambu ya mbi sambu na Yehowa mpi organizasio na yandi. Kana beto me wa ndinga ya nzenza, beto fwete tina. Kuwidikila yo ata ntangu fioti kele kibeni kigonsa. Satana tubaka ve mambu mingi sambu na kukusa Eva ntangu fioti yina bo solulaka. (Kuy 3:1, 4, 5) Ebuna, nki beto fwete sala kana muntu yina beto me zaba, yina ke zolaka beto mpi yina kele ti bangindu ya mbote ke zola kusonga beto bansangu ya mbi sambu na organizasio ya Yehowa?
Songa VIDEO Buya “Ndinga ya Banzenza.” Na nima, yula bawi ngiufula yai:
Inki dilongi nge me baka na mambu yina Jade salaka ntangu mama na yandi yina kele ve Mbangi ya Yehowa zolaka kusonga yandi bansangu ya mbi sambu na organizasio ya Yehowa?
8. Kulonguka ya Biblia ya Dibundu
(Min. 30) bt kapu 8 § 1-4, balupangu na balut. 61-62
