“Inh prũ fi Sophia a fi tỹ vẽsỹrénh mág ja nĩ, vẽnh kaga tugnĩn. Tag kar fi tỹ ter ja nĩ. Ẽg tỹ jagnẽ mré jãgjãg kỹ nỹtĩ tỹ 39 ano han sir. Hã ra kar tag tỹ hãn ri ké. Inh mré ke ag tỹ vãsãnsãn ja nỹtĩ, inh ajuna ke jé. Hã ra prỹg pir kãmĩ, inh mỹ jagy tãvĩ vyr mỹ. Kejẽn sỹ há nĩ nĩ vỹ, hã ra kãnhmar sỹ mỹ há tũ nĩ vã. Jérĩn mỹ prỹg tẽgtũ han tỹ hur, hã ra ver kãnhmar inh mỹ jagy tĩ nĩ ver.” — Kostas.

à tỹ ũn to há mỹ ter nĩ ha? Tag vỹ ã mỹ hãn ri ken kỹ, hã re mũn ã tỹ Kostas ti vẽsỹrénh to ki kanhró nĩ. Hã re mũn ã mén ke tũ nĩn kỹ ã prũ fi, ke tũ nĩn kỹ ã mré ke, ke tũ nĩn kỹ ũnꞌũ to há tỹ ter ja nĩ. Tag tỹ hãn ri ken kỹ, ã tỹ vẽsỹrénh mág tĩ, kar tag tỹ ã krĩ kufy han tĩ. Ũn tỹ tag to kanhrãn tĩ ag tỹ tag to jykrén tĩ gé. Revista tỹ psicologia, b Estados Unidos tá ke vỹ ke tĩ tag to: “Ẽg tỹ ũn to há tỹ ter kỹ, tag tỹ nén ũ jagy tãvĩ nĩ.” Ũn tỹ vẽsỹrénh mág nĩn kỹ, ti tỹ ũn to há tỹ ter kỹ, hã re mũn ti tỹ vẽnh ki jẽmẽg tĩ: ‘Hã re kã isỹ vẽsỹrénh tĩ tag ti tũꞌ kenh? Kejẽn sỹ mỹ há mãn ke mũ hãn? Inh ne han ke nĩ, sỹ mỹ há nĩ jé?’

Mrin kem nĩ! tag kã, ẽg tỹ vẽnh ki jẽmẽ tag ag venh mũ. Ã mỹ vẽsỹrénh nĩ, ã tỹ ũn to há tỹ ter ja tugnĩn? Revista tag ki ã tỹ venh mũ ver, ũn ag tỹ ag tỹ ũn to há ãn tỹ kãgter ja nỹtĩ ag hã re tĩ, ag ne mẽg tĩ, kar nén ũ jagy ag tỹ ne ag kato tẽgtẽ nỹtĩ. Revista tag ki ã tỹ venh mũ gé, ã ne han ke nĩ, ã tỹ jatun mỹ nĩ jé.

Revista tag tỹ rán kỹ nĩ, ũn tỹ vẽsỹrinhrénh tĩ, ag tỹ ũn to há tỹ ter ja tugnĩn, ag jagãgtãn jé.