Ha to ãkrén nĩ, ũn panh tỹ ti kósin prỹg tỹ 7 jagnẽ mré vĩ nỹtĩ. Panh tóg: “Sir há tỹ tỹ Topẽ tóg ga, kar rã, kar kysẽ, kar krĩg ag hyn han mũ.” Ti kósin tag to jykrén sĩ, kar ti tỹ ti panh vẽnh ki jẽmẽ han tĩ: “Panh, hã ra ũ nẽ Topẽ han ke?”

“Ũn pi Topẽ han mũ, vãsỹ Topẽ tóg nĩ”, ti panh tó ja. Kósin tỹ sĩ nĩn kã, vẽnh vĩ ẽn tag vỹ há nĩ, ti mỹ. Hã ra ti tỹ mog nĩn kỹ, ti tỹ vẽnh vĩ ẽn to jykrén mág tĩ. Ti pi ki kanhrãn nĩ, ũn hã ren kỹ mur tũg tĩ ti. Universo mur ja ki gé. Hã kỹ ti to jykrén nĩ: ‘Ũ nẽ Topẽ han ke?’

Topẽ Vĩ Rá ne ẽg kanhrãnrãn tĩ, tag to? Topẽ Vĩ Rá vỹ ẽg mỹ kãmén tĩ tag to, panh tỹ kósin vãme ẽn tag ri ke. Moisés rán ja: “Senhor,... Ã tỹ krĩ hyn han ke to hã ã tóg nĩ nĩ, ã tỹ mũno han ke to hã, ã tỹ ẽg tỹ nén vég mũ kar han ke to hã ã tóg nĩ nĩ. Topẽ vỹ tỹ ã nĩ. Vãsỹ ã tóg nĩ, ũri ã tóg nĩ, nén kar tũg ke kỹ ã tóg nĩnh ke mũ gé.” (Salmo 90:1, 2) Isaías vãmén ja tag to ke gé: “Ãjag mỹ ki kanhró tũ nĩgtĩꞌ? Ãjag mỹ tag mẽ ja tũꞌ? Ẽg Senhor vỹ tỹ Topẽ nĩ, ti hã ne ẽg tỹ nén vég mũ hyn han ja nĩ.” (Isaías 40:28) Vẽnh rá tỹ Judas ẽg mỹ kãmén ke gé tag to, “vãsỹ tóg kã nĩ nĩ, nén ũ kar han tũg ki.”— Judas 25.

Vẽnh rá ẽn ag ẽg mỹ ven tĩ, “Topẽ hã ne ti pir mỹ tỹ pãꞌi mág nĩꞌ”, apóstolo tỹ Paulo rán ja, tag to. (1 Timóteo 1:17) Tag ne ẽg kanhrãnrãn tĩ? Ha vãsỹ to ãkrén nĩ. Prỹg tỹ ne ã tỹ to jykrén ke? Prỹg ẽn tag kã ke jo, Topẽ tóg nĩ. Kar ti tóg nĩ hã ki tĩnh ke mũ gé. (Nén Venh Ke [Apocalipse] 1:8) Gen kỹ, ẽg tỹ tag ki kanhrãn tĩn kỹ, ẽg tỹ Topẽ ki kanhrãn kãfór tĩ.

Tag ne tugnĩn ki kanhrãn jagy nĩ, ẽg mỹ? Ẽg tỹ rĩnrĩr sĩ nỹtĩ, tag tugnĩn Topẽ tempo vỹ ẽg tempo ri ke tũ nĩ. Prỹg tỹ mil vỹ ti mỹ kurã pir ri ke nĩ. (2 Pedro 3:8) Ha to ãkrén nĩ: ópã tỹ kurã tỹ 50 tãvĩn rĩr tĩ. Hã ra ẽg tỹ prỹg tỹ 70 ke tũ nĩn kỹ prỹg tỹ 80 rĩnrĩr nỹtĩ. Kỹ ópã mỹ ẽg tempo ki kanhrãn há tĩ hẽn? Vaꞌ. Topẽ Vĩ Rá ẽg mỹ ke tĩ, ẽg kar vỹ tỹ ópã ag ri ke nỹtĩ, Topẽ mỹ. Ẽg jykre vỹ Topẽ ri ke tũ nĩ. Topẽ jykre vỹ kãfór nĩ. (Isaías 40:22; 55:8, 9) Tag tugnĩn ẽg pi Topẽ jykre kar ki kanhrãn há tĩ.

Jérĩn mỹ ẽg pi tag ki kanhrãn há tĩ, vãsỹ Topẽ tóg nĩ, ũri ti tóg nĩ, kar ti tóg nĩ hã ki tĩnh ke mũ gé. Ũ tỹ Topẽ han mũn kỹ, ti vỹ tỹ ẽg hyn han fã nĩ mũ vã. Hã ra Topẽ Vĩ Rá ẽg mỹ kãmén tĩ, Jeová hã vỹ nén ũ kar hyn han ja nĩgtĩ. (Nén Venh Ke [Apocalipse] 4:11) Ẽg tỹ ki kanhrãn ke gé, Universo mur ja. (Gênesis 1:1, 2) Ũ nẽ ti han ke? Ũ tóg Universo han mũ, ke jo, ti tóg nĩ. Ti tỹ Jesus kar anjo ag hyn han ke jo, ti tóg nĩ. (Jó 38:4, 7; Colossos 1:15) Hã kỹ, Topẽ tỹ nén ũ kar hyn han ke jo, ti tóg nĩ. Kỹ ũn pi Topẽ han mũ.

Ẽg tỹ rĩnrĩr nỹtĩ, kar Universo vỹ nĩ ke gé. Tag tugnĩn ẽg tỹ Topẽ tỹ nén kar hyn han ja ki kanhró há tĩ. Vãsỹ Topé tóg nĩ, ũri ti tóg nĩ, kar ti tóg nĩ hã ki tĩnh ke mũ gé. Tag tugnĩn ti tỹ Universo tỹ rĩr tĩ, kar ti tóg vẽnh jyvẽn ag hyn han mũ, Universo mỹ. Ti hã vỹ nén kar hyn han mũ.— Jó 33:4.