KĨŨRIA KĨA 7
Nĩ Maũndũ Marĩkũ Bibilia Yarathĩte Megiĩ Mahinda Maya Tũrĩ?
“Rũrĩrĩ nĩ rũgookĩrĩra rũrĩrĩ rũrĩa rũngĩ na ũthamaki ũũkĩrĩre ũthamaki ũrĩa ũngĩ . . . Maũndũ macio mothe nĩ kĩambĩrĩria kĩa ruo ta rwa mũtumia arĩ hakuhĩ kũgĩa mwana.”
“Nĩ gũgooka anabii aingĩ a maheeni na mahĩtithie andũ aingĩ; na tondũ wa uuni-watho kũingĩha-rĩ, wendo wa andũ aingĩ nĩ ũkaanyiha.”
“Rĩrĩa mũkaaigua ũhoro wa mbaara na riboti ciĩgiĩ mbaara, mũtikanetigĩre; no mũhaka maũndũ macio mekĩke, no mũico ndũgaakorũo ũkinyĩte.”
“Nĩ gũkaagĩa ithingithia nene, na ng’aragu na mĩrimũ mĩũru kũndũ na kũndũ; na nĩ gũkooneka maũndũ ma kũmakania na imenyithia nene kuuma igũrũ.”
“Matukũ-inĩ ma kũrigĩrĩria nĩ gũkaagĩa mahinda ma ũgwati maritũ kũhiũrania namo. Nĩ gũkorũo andũ nĩ magaatuĩka eyendi, endi mbeca, egani, egaathi, arumi Ngai, matathĩkagĩra aciari, matarĩ ngatho, matarĩ ehokeku, matarĩ wendo ũrĩa wa ndũire, matendaga ũiguano, acambania, mategiragĩrĩria, matarĩ tha, matendete maũndũ mega, akunyanĩri, momĩtie ciongo, etĩi, mendete ikeno handũ ha kwenda Ngai, monekaga ta marĩ na wĩyamũrĩri Ngai no nĩ mareganaga na hinya waguo.”
